2016年2月26日星期五

攞嚟拗



可悲可惡更可憐
香江慘變義和團
妖言泛濫乜都拗
關門困自發花癲

呢嗱、香港人自誇夠開通、又常指內地遊客民智未開、但實情卻是五十步笑百步而矣!最近某私營電視台將普通話新聞報導和簡體字幕集中在一條免費頻道播出、卻被人在互聯網上渲染成為踐踏本地話和繁體字、結果鬧得滿城風雨。其實一個商營機構作出任何決定、無非是向錢看、而觀眾有權選擇睇或者唔睇。況且那條傳統本地話頻道又無被關閉。試問何須要有那麼大反應?看來、香港真的病了!人們動輒就把事情政治化、所以香港已經變成政治僵屍、真係醫都嘥藥費矣!

香港人對外國語文向來冇異意、唯獨是對普通話和簡體文就諸多聲氣。如果話呢種唔係偏見、恐怕很難找得出別的解釋。在社會上總有些人喜歡將推廣普通話和簡體文、視為中共統戰手段。但係點解唔嘗試從一個比較客觀嘅角度去看此事?國家之所以將普通話和簡體字定為法定語文、並唔見得係專門針對香港的。須知到國內有很多個不同民族、所以有不同語言和文字。如果不提倡一種共通語言和文字嘅話、基本上很難互相溝通。只要國家沒有強制禁止人民繼續保留自己嘅傳統語言和文化嘅話、在下實在想不出有何不可。請看看人家新加坡、不就是把普通話和簡體字列入國家法定語文之一嗎?從前香港人學習英文、無非是為咗方便自己搵食。今時今日中國以經是世界上第二大經濟體系、估計不須五年便會超過美國成為第一大經濟體。因此當下連外國人都湧躍學習普通話和簡體字、難道你會認為他們是被中共統戰了不成?坦白講、香港人拒絕學習普通話和簡體文、對於大陸來說並無任何損失的。試想想、假如它朝有日、跑來一個外國人用普通話與你談交易、而你卻聽不懂、以致無法對話嘅時候、你以為蒙受損失的究竟會是誰呢

26 則留言:

  1. 域兄,89年我在澳洲工作,因那時亞洲許多國家的經濟都很不錯,所以有部分律師為了做這些人的生意,便連忙學習他們的語言或請這些人做工,估不到連柬蒲寨話都曉!

    回覆刪除
    回覆
    1. Shu兄、當今學習普通話是大趨勢、唯香港行路打倒蹆、確實無奈。

      刪除
  2. 我不懂普通話,會選擇廣東話台。

    回覆刪除
  3. 真係有統戰架,我見有犯盟利用全霉不停戾橫折曲,斷章取義,上綱上線,疲勞轟炸咁騙D對世事唔認識嘅人,要同佢地洗腦。

    回覆刪除
    回覆
    1. 冇法啦、香港人就快變成戰鬥盲族矣!

      刪除
  4. 域兄說得十分中肯與公正! 雖然粵語才是古漢語,而且在粵港澳門通行多年,可是不能抹殺普通話的功用。新加坡人就能拋開成見,以它作為不同語言華人的共通語言,而且習以為常了。
    當歐美印度國家都熱衷於學習普通話的同時,香港的反對派竟然群起而攻之,真是違反了少數服從多數的原則了。

    回覆刪除
    回覆
    1. 在本城講真話、隨時被人罵到七彩架!

      刪除
    2. 幸好我有自知之明,點樣游說利誘我都唔合流,否則就只能隨波逐流,不能講真話。失去了自我。

      刪除
  5. 簡體字唔係老貢發明,亦唔係土貢專利,呢樣最重要,唔好比意識形態遮眼,前清及民國已有,只係"官方"用文不能用,而民間普遍有用,至於作為"官方"文字,亦唔係"土貢"提倡,民國北伐後文化部官員已經進行立法,後來光頭領導被其老友及支持者反對而作罷,"土貢"只係接手而已,簡體跟繁體的分別,其實只有很少數量南轅北轍,及有二字最受批評,其他都是偏旁減筆,識繁認簡,或識簡認繁,真係易過借火,絕對唔明白點解認為天跌落嚟,"反貢"冇問題,"厭貢"正常,但係唔係乜鬼嘢都反,係嗎?
    文字,語言是溝通工具,識多一種,自己著數一種,有乜問題,煲冬瓜即國語,又係唔係"土貢"發明同專利,係十幾億民眾(全地球)的"共通"語,學之何妨?又係"反貢"反到腦梗!
    另外,知己知彼,百戰百勝,既然咁鬼憎"土貢",更應知佢做緊乜,更應"鬧"佢地做得癈嘅地方,你唔識聽又唔識講,佢地唯有當你癈,係唔係?
    香港人六十年代,乜夠都學,又日文,又法文,又英國文化中心,日頭做完工,七點零係人都去英專,日專,德文,甚至九史立十都學,反之今時今日乜都話唔肯學,話會被人洗腦,如果咁鬼易被人洗腦,最大問題反而係你自己……冇腦!
    香港,充滿咗唔係問題郤自找問題的問題,亦係個腦好容易被蕭陶黃鄭游劉等等"名嘴""名妓"洗壞嘅問題。
    老鬼好憎東洋,因為憎到發燒,所以要學東洋的殘體漢字,想知佢地點害中華!
    今時今日香港人,不止是迷失,實際係信盡失,呢樣嘢唔好又賴"土貢",係自己迷幻。
    "土貢"可惡,可惜,如今"反對派""本土派"郤用晒"土貢"嘅斗憎方法,又學得唔湯唔水,笑死深圳河之北之賊官,害死獅子山下搵食嘅善良人。
    好多時候,老鬼壞疑呢班本土熱乜及名嘴們係唔係佢地嘅馬仔,越亂,則越快收番"聲明",又懷疑係上海佬攪出嚟,等阿爺早的把金融業攞返上海,照解我咁講?因為民主阿婆,余腦瘤女大壯,毛姑姑等等都係上海人!

    回覆刪除
  6. 是否Rick 兄刪去小弟之回覆???如若不是,那麼又是G台的問題!

    回覆刪除
    回覆
    1. 在收件匣已見到安兄的長篇留言,但在這裡看不到。不知何故?

      刪除
    2. 是否又步雅虎後塵? 搬過次家唔想再一次搬家,

      刪除
    3. 看來谷歌好像不勝負荷似的。就像山森先生的網誌已經不獲發放更新通知一年了! 可能因為他有八百多的追蹤者,網站不能負荷那麼多的工作量吧?

      刪除
    4. 又有一位網友因為圖片太多,超過了限額,被要求另開新博。

      刪除
    5. 知道最近谷歌可以給用戶有無限的相片儲存量,一是要付費的,另一是自動將照片質量降低,所以或可能這是影響了近期留言失蹤的其一因素!

      刪除
    6. 相信是被谷歌錯誤當作垃圾留言,放了入垃圾留言收件箱。

      刪除
    7. On兄、在下並無 cut 過你嘅回應。

      刪除
    8. 又可能被G台當垃圾丟咗咯,慣咯!
      內容是指出煲冬瓜真正推行只不過係反越戰爭吃了大虧,才全力推出,而提倡用家陣叫普通話,民國初年是叫國語,亦是一九二十,三十年代的事。
      煲冬瓜其實係雜種話,大量語言學家及大量論文都證明呢個事實,講出嚟係老鬼老祖宗(旗人)們侵入中原後,用極為野蠻方法,對渶民族的文化迫害,語言是其中之一,把漢語强J混合老祖宗的土語而成為官話,再演變所謂後來的國語,反之粵語,廣府話才是真正大漢民族的語言。
      誰要毀滅粵語廣府話的"絕對"係漢奸!!!
      不過,歷史及事實,今時今日為了全國和階溝通,雖錯亦要應用,是無奈而已,為了溝通,為了"團結",用也無妨,不過,身為粵漢族,一定要捍衛粵語,老鬼雖說祖宗唔係人(漢人),而家都博矇認做漢人,所以亦誓保漢語!

      刪除
    9. 安兄所言甚是! 閱之得益良多。謝謝!
      原諒秋的插言打岔。剛上網查看 安氏的由來。安祿山本不姓安,只是從後父姓安而已。他本是“粟特人和突厥人的混血”。他寵愛幼子,最終被長子買兇刺死。安氏家族人多,未必都是千古罪人安祿山的後人。安兄大可放心。 其實很多漢人都混種了,秋有一太婆是瑤族人。

      刪除
    10. 有一族譜,最早是波斯,佛教最早譯經的安世高就是波斯王子了。

      刪除
    11. 原來如此!怪不得安兄久不久就說說佛偈了。

      刪除
  7. 域兄,無辦法,因為香港人已經患咗政治沉溺症!病徵係恐共上腦,睇怕都係無得救架喇!

    回覆刪除
    回覆
    1. 飛獵兄、香港人神經質越來越重、確實無奈。

      刪除