爭端背後

越鬧越兇狠

唔似人咁品
有好不曾學
寧願做痞躉

在下常聽人講、人類嘅貪婪和虛偽係與生俱來的、越是掩飾越見虛偽。今次全城鬧爆嘅大學徒迫宮事件就是個活生生的例子。明明是有人要奪取大教館嘅學術和人力資源控制大權不遂而搞大件事、但卻連聲指責別人干擾學術自由、並指控管理層粗暴阻撓戰中陳大教頭升官發財、於是高舉以武制暴旗幟去衝擊和圍堵管理層成員。唔知各位有冇覺得齣鬧劇嘅情節熟口熟面呢？呢嗱、山姆大叔與架仔夾計侵吞釣島、並反指紅家會在東海搞事。明明是安南仔和賓仔在南海侵佔天朝島嶼、而山姆大叔又講成係紅家會在南海欺壓鄰居。山姆大叔把六成家丁派到亞洲來、並頻頻與南海諸族在紅家會門前舞刀弄槍、但係當紅家會家丁在自己門前練拳嘅時候、即被指責為對山姆家挑釁。呢種無賴行為是否與大學徒嘅言行同出一轍、大概不言而喻矣！

近年來、山姆家比紅家會更加關心大教館嘅學徒嘅價值觀。單以洗腦成績而言、山姆家嘅成績就遠超於紅家會。山姆家不獨只成功的將自己嘅價值觀嵌入大學徒腦袋裡面、甚致連中學徒和小學徒都唔放過。雖然目前嘅形勢好像是亂制鬥飯盟、但據飯盟頭領二馬基所講、真正在幕後角力嘅實係奧黑馬和習大大。自從大歸之後飯盟不斷搶灘佔地、並且已經取得一些成續、可惜一場「和尚打傘」運動就搞到機乎連老本都蝕埋。加上有人向山姆家告狀、指控飯盟在打傘期間意志唔夠堅強、並置大學徒於必敗之地、結果氣得奧黑馬下令關掉泵水給飯盟嘅水籠頭。飯盟知到要翻身嘅話、絕不能再失去大教館這個洗腦重地。因此在道理唔通之下惟有講陰功、煽動一群熱血嘅年輕人、打起「以武制暴」旗幟迫使大教館管理層任命他們心儀中嘅人物戰中敏教頭出任副館長之職。希望藉此建一功平息山姆大叔心中怒氣。吓、咁樣做唔啱咩？答案是、政治無對或錯之分、只有成與敗之別。