2015年8月14日星期五

貨幣戰


吊桶十五個
獨怕唔識貨
兩極欠勻遁
難卜福與禍
 
08年起、人銀嘅幣值不斷飆升、由原來嘅八個人銀兌換一個花銀、升至15年嘅六個人銀兌換一個花銀。咱家紫荊人從此就挨貴嘢、挨到眼光光。之但係、花旗一值不滿意、並指控天朝操控貨幣幣值、從而阻撓人銀成為世界主流找數貨幣之一。最近花旗又迫使人銀升值、天朝只好放手讓人銀在國際容貨幣市場自由泛動。殊不知人銀不升反跌、而且連繼貶值幾日。呢嗱、花旗迫人操縱幣值不成之下、居然睩大雙眼發開口夢、反指天朝故意讓人銀貶值靠害花旗。喂喂、係又鬧、唔係又鬧、像花旗這樣的超級大國、遇起事來居然地痞無賴更加無賴、都可謂貽笑大方矣!

其實真正操控貨幣幣值嘅應該係花旗、自從「兩房事件」殃及全球之後、花旗便開始不斷加印銀票、藉此將花銀幣值貶低。身為花旗附庸嘅扶桑自然有樣學樣、拼命印銀票。勾盟見狀當然不會坐視、於是亦將勾銀幣值向下調整、以適應潮流。在列強圍攻之下、世界上唯一嘅冤大頭自然係天朝矣!須知到貨幣幣值升跌猶如一柄雙鋒之刃、當中有利也有弊。當世界主流貨幣猛跌時而人銀繼續企硬、對天朝來說是有利於入口而不利於出口的。今日天朝出口嘅對手不再是第三世界國家、而係高科技經濟強國。一旦出口受阻、天朝馬上就要掉進經濟困境裡面。雖則話天朝目前擁有超過三萬億外幣儲備、但這玩笑還是開不得的。唔係嚇你、依在下嘅「斷估冇辛苦」角度看來、人銀勢必一貶再貶、一場激烈嘅貨幣戰爭已經拉開序幕、而且非上演不可。事情發展到呢個地步、誰也阻擋不了!信不信由你。

21 則留言:

  1. 域Sir,始作俑者是花旗佬猛印公仔紙,再用公仔紙換別人的優質資產,依家惡人先告狀,無言。

    回覆刪除
  2. ◇・゚゚♦好友✫。゚。⊹☾.•*☁good night 甜夢✬*¨★

    回覆刪除
  3. 過往財大氣粗
    以為曾經贏過就巴巴閉
    俾人窒返轉頭條氣就唔順

    回覆刪除
    回覆
    1. 從前說打就打、今日說罵就罵、其中轉變何其妙....

      刪除
  4. 唔怪得有人話現在的主流貨幣分別係陰司紙、溪錢和元寶啦!

    回覆刪除
    回覆
    1. 今天嘅陰司紙、溪錢和元寶都個掠價架、但當貨幣連陰司紙都不如嘅時候就真係喊都無謂矣!

      刪除
  5. 人銀跌,真係害苦很多人。花旗一向是人面獸心。

    回覆刪除
    回覆
    1. 雖則話投資係有風險的、但山姆大叔嘅所作所為又確實幾乞人憎的。

      刪除
  6. 一句講晒,貨幣戰就一定要狠……

    回覆刪除
  7. 政治原本是無辜的,就像金錢.金錢是人用髒的,政治是人玩髒的, 可又有什麼辦法呢? 金錢是供人用的,政治是任人玩的. 邊國靠害,日他美.

    回覆刪除
    回覆
    1. 正如水一樣、永遠都只有人髒水、而水是不會髒人的。

      刪除
  8. 呢啲叫輸打嬴要!等於賭仔隻馬跑唔出,咪大嗌跑假馬一樣囉!

    回覆刪除
    回覆
    1. 山姆大叔一面跑假馬、另一面又指控別人造馬。唔通佢想自己玩埋乎?

      刪除