民主反民主

生骨大頭菜

問你愛唔愛

買板唔知埞

仗勢更狼胎

繼講錯電台淪陷之後、紫荊大教館亦正在面臨巨大考驗。由於今次講錯電台更換嘅新班頭被懷疑係盟主派嘅架忌冷、故有人視之為是紫府軟弱而且間接助長激進飯盟嘅氣焰。前幾日、大學徒會首領二馬因公開講、硬闖長老會嘅行為與大學徒無關、所以誓不道歉。照咁睇嚟、原來今日嘅大教館學徒連乜嘢係「我雖不殺百人、百人因我而死」嘅道理都唔懂。假如將來由呢班大帝去領導咱們的社會睇怕都死得人多、你話唔驚就假喇！係嘛？！

坦白講、有心人在大歸前已經把毛祖先師發明嘅「紅蟻兵」程式翻版、並將那套「學笙無罪、反調有理」嘅反智晶片透過各大中小教館而殖人年輕一代的腦袋裡去。時下晶片青年只問權利不問義務嘅作風、已經在社會上形成一股大氣候。中毒越深嘅人、越係激進。越激進嘅人、越係有己無人。他們不但高舉民主旗幟挑戰權威、而且視一切法則如枷鎖、必先反之而後快。假如閣下以為可以跟他們講理由嘅話、恐怕講到斷氣都無濟於事、所以慳番啖氣暖肚好過。因為這就是有心人多年來刻意經營嘅成果、旁人休想輕易將之摧毀的。其實咱家嘅所謂紫荊式民主比阿爺嘅家族式民主更加封建、絕對容納不下一句異已聲音。縱觀今日江湖上嘅形勢、就不難發現凡跟紫荊式民主唱反調者必嘗到萬人齊插嘅滋味。試問閣下可曾見過、近來還有誰膽敢企出來公開批評這種暴戾嘅民主？就係因為冇、有心人嘅膽就顯得越來越大、而大學徒高舉民主旗幟反民主嘅後勁亦越來越凌厲。問你怕未？