2014年10月4日星期六

巡捕房勾結黑社會?



越抹越是黑
有水洗唔甩
台前爆陰毒
幕後共一窟

昨日數批反戰中人馬出動向戰中群眾衝擊、並造成有人受傷和有人被捕。今日江湖上有傳聞指那些衝擊戰中人士的人是為愛字堆集團所顧用的、亦有傳聞指巡捕房與黑幫勾結對付戰中人士、而支持戰中嘅政客亦以高姿態指責巡捕房縱容黑幫傷害和平示威者。

呢嗱、未知各位街坊對暴力有何睇法、但在下認為目前嘅所謂和平示威、實際上並不和平。因為示威者強行封路、阻止交通工具通過、扣押巴士、且阻止別人上班、妨礙店鋪和小販做生意等、全都是夾硬拖人落水嘅行為、一切皆違反戰中三老當初許下靜默抗議嘅承諾。正如有途人質問示威者「你地唔使食飯、我要搵錢開飯、點解唔畀我返工、硬着要迫使所有人都要蒙受損失?」一樣、同是暴力行為。分別只在於衝擊者是向着戰中者兜鎚鍋面而造成外傷、而戰中者是用陰力在街坊的心口扤一掌而造成內傷而矣!正如日前置身於示威區之中的一名報販回答記者時聲稱「有苦自己知」就可見一斑。據說、由於連日來戰中示威者在旺區和銅區等夜場林立的區域結集、對夜場生意構成嚴重打擊、因此不排除有黑社會人物混入反戰中人士之中、企圖衝擊和毆打戰中人士嘅可能性。之但係、在無憑無證據之下指控巡捕房與黑社會勾結對付示威者、只能算是陰謀論。假如反戰中人士也從陰謀論角度去睇今次事件、亦可指飯民收買打手架禍巡捕房和愛字堆、以激發更多人出來替戰中站台。咁搞法、唔知到夠唔夠說服力呢?憑空指控對誰都冇益架!知冇?

所謂有政治冇道義吖嘛!政治本來就是愚弄人們嘅把戲、正如全世界都一樣、投資這套把戲嘅人就是財雄勢大嘅大財閥、並由執政者和政黨聯合編導、不同政見嘅政客充當演員、佢哋嘅責任就是依足劇本演好每一場戲。今時今日紫荊城之所以弄成如斯田地、就是被兩幫敵對勢力嘅政治勢力所造成。那群粉墨登場嘅政客其實只不過是扯線公仔、他們只能為你帶來感官上嘅刺激、並無能力替你謀取實質利益、否則今日就無須搞到人人為住而發愁了!戰中、反戰中、誰是人、誰是鬼、唔知你又知到幾多呢?嗚呼哀哉!

12 則留言:

  1. 此留言已被作者移除。

    回覆刪除
  2. 域兄晚上好,
    小市民只是想安居樂業,有冇普選與我向干?

    戰中不戰中
    搞到亂曬籠
    苦了小市民
    政客打龍通

    回覆刪除

    回覆刪除
  3. 不知他們有否聽過,「斷人米路猶如殺人父母」,旺角區龍蛇混雜,戰中日復一日,沒完沒了,點會唔反抗,只在乎搵乜野機會,用乜野手法而已。

    回覆刪除
  4. 這個星期的秋風秋雨累死人了!

    回覆刪除
    回覆
    1. 希望你們都平安啊。 小S, 願你和家人都安康。 進你那兒不容易, 所以在這兒說先啦。。。

      刪除
  5. 我同意你的說法啊, 有點過份, 並非和平佔中。 其他警察黑社會介入又是另一個問題也。

    回覆刪除
  6. 非常痛心及感到悲哀!

    回覆刪除
  7. 域Sir,今日回來了,小兒小女對班友佔中,佔旺角非常不滿,尋日我們從大埔坐72X出旺角購物,本來在亞皆老街落車,可惜因為佔旺角,所以要改道,九龍醫院附近下車,要步行多20分鐘,熱到成身汗,去到又碰到打交,好多店鋪拉閘関門。
    我有一對夫妻好友住筲箕灣,一對住西灣,一對住元朗,每次回香港他們都約定在旺角附近吃飯,今次他們話要來大埔,唉山長水遠的來大埔街市大牌檔吃午飯,在旺角做生意的真慘,都比他們攪咗成個星期,而且還不想鳴金收兵。

    回覆刪除
  8. 域兄,晚上好!
    所謂牽一髮動全身,香港本來是個停不下來的城市,今次事件,真的是做成頗大的經濟損失!
    看事簡單的同學,不知天高地厚,竟然攪到油尖旺,真係冇有識死!

    回覆刪除
    回覆
    1. 秋葉阿姨晚上好,
      這群年青人開始時可能是被 "分派" 到油尖旺,

      刪除
  9. 親人 是校長的留言:

    http:/antichinesecolonization.wordpress.com/2014/07/13/ 這是答案,要改小小加d自己意見(否則當一個意見)然後電郵 response@eocdlr.org.hk 記住10月7日前
    呢幾日政府襯我地岀去偷偷地推好多野
    http://m1.hkgolden.com/view.aspx?message=5418383&type=BW
    可能太長唔想睇
    但係第四點同第5點好重要 我quote 岀黎

    4. 規定歧視條例適用於公共機構和政府職務和職權。 公共機構和政府部門必須對大陸新移民和香港公民一視同仁, 大陸新移民在未成為香港公民之前, 享有香港公民權利, 包括福利、投票權、擔任公務員

    5.將“教育和職業訓練範疇的授課語言”定為歧視,以後用英文或廣東話授課變成歧視大陸學生

    諮詢期10月7日就完, 如果佢地成功左大陸人將會享有好多特權而香港人會被打壓,post入面有埋打好咗嘅回覆諮詢嘅意見,一齊send email去
    forward pls pls pls

    回覆刪除
    回覆
    1. 評雞會不知所謂眾所皆知、這叫手指拗出唔拗入、利用納稅人嘅錢去打厭納稅人、咁搞法只會激發本土主義抬頭架咋!

      刪除