2014年10月27日星期一

暴力中的和平

橫蠻霸道叫和平
揮拳毆打謂撐警
政府關人兼混賬
學子無知背罪名

呢嗱、暴力呢家嘢簡直係傳染病一樣、爆開就爆。連日來、黃絲帶嘅晒冷嘉年華會場頻頻被藍絲帶嘅人踩場、而且多次爆發暴力衝突。某晚藍絲帶開茶篤撐警大派對期間、居然在自己個場一面喊撐警、一面毆打採訪記者。雖然未造成致命傷害、但已經打到人家遍體鱗傷。勢想唔到咱家紫荊人居然變得咁暴戾、每次都係人多欺負人少、簡直係無法無天。

上周縣府與大生會講數期間、大總管提議發給反盟參選縣首入場券、以換取大書生撒回四大要求。大書生當然不答應、但政客卻認為目的已達、並要求大書生做好撤退準備。大書生一怒之下、公開要求晒冷人馬在周日就兩個議題(一、強化他們的政治要求迫國會接受;二、反盟政客集體辭職然後公投)進行公投。點知又再次受到阻撓、於是惟有宣布取消公投。坦白講、搞個咁嘅晒冷嘉年華盛會、係須要花上很長時間、大筆金錢、眾多人力和物力等資源栽培之下、才能夠有今日嘅規模、又豈能任由幾個學生哥話過就算?

戴教頭今早話、他要交番個波畀國會、並提議紫府將國會嘅決定來一次無法律約束力嘅公投、然後將結果交給國會作為參考喎!喂喂、戴教頭、你當紫府係幼稚園嚟咩?你明明知到、即使今次係百份之一百贏硬、紫府都絕不會答應架啦!以閣下嘅聰明才智、冇理由唔知到紅家會絕不會踩落你個氹度嘅。公投呢家嘢唔搞由自可、一搞必然到處起火、而且越燒越旺、遲早連紅家會個招牌都燒成灰燼。依在下睇、閣下只不過是忠人之事啫。嗱、千祈唔好被我估中、當花旗老大與紅家會總舵主講掂枱數之日、就是晒冷嘉年華冚旗之時。

據路邊社透露、原來晒冷嘉年華開幕當晚、巡捕房不單只奉命使用“催淚煙”而且已經準備好隨時使用“彈子暗器”去對付參加者、幸好被某高層及時煞停、否則全軍踩地雷矣!據說此事有驚人內幕、唯目前無法得知有關詳情、惟有耐心多等一會吧!

16 則留言:

  1. 藍絲帶攪撐警,不會無端端毆打採訪記者,把自己變做暴民,你話係乜野原因攪成咁呢?

    回覆刪除
    回覆
    1. 無論那一邊總會有些比較激進、又感睇唔開嘅擁躉、所以這類事件很難避免。唯望雙方都能夠克制一點就是。

      刪除
    2. 最近收到D訊息,話係黃絲帶有意踩場,製造渾亂,港台女記更是佔中積極支持者,上過電視新聞,在現場採訪時問人收了多少錢到場。
      在電視新聞看到警察帶走(保護)記者時,四周人群拍掌歡呼,事出必有因。

      刪除
    3. 這件事黃藝雙方各有講法、但政治這問邋遢不堪嘅玩意又確實乜都有可能。

      刪除
  2. 很擔心!很擔心!很擔心!

    回覆刪除
  3. 相信冇人咁笨搞彎自己個場 gar ? 撐警之會是否被人踩場搞事架?抑或真係咁憎啲記者?
    一錯:是在街上即捉即拉埋一邊去打,再錯:是在自己個場打記者。邊有咁蠢架!係唔係呀?

    回覆刪除
    回覆
    1. 有些人思想比較激進、如果再加上有人挑撥就更容易做出衝動行為、由其是在大形群眾活動之中更加是常見。

      刪除
  4. 搞到而加咁,真係已經對錯難分。

    回覆刪除
    回覆
    1. 政治根本上無對或錯、總之勝者為王就是。

      刪除
  5. 整個運動,美其名爭取真普選,我覺得只是侊子,主要希望在港的運動,影响內地各省,令共產黨倒台!但效果卻出人意表,內地大多數人認為北京對港人已照顧有加,但港人仍不心足,最後導致港人與內地人成為對立層面!

    回覆刪除
    回覆
    1. 照目前走勢睇嚟、相信你講的不中亦不遠矣!

      刪除
  6. 域Sir,聽新聞講佔中運動攪手之一的戴生話要退出,想過番正常生活,返校教書。
    佢老哥話來就來,走就走,但留下的一筆蘇州屎,如何處理?

    回覆刪除
    回覆
    1. 兩名教頭表面上看似挨到頂唔順要唞唞咁款、但實質上是託辭蹆軚保重身體、留底班後生仔去搏小命而矣!

      刪除