阿黃的控訴

別說無厘頭，民主挾自由；

學生成街霸，官家懶回眸。

花旗沽清貨，歐洲未夠喉；

財經打倒蹆，港股遇急流。

此番無力撐，大難正當頭；

紫人喊救命，一鋪報晒仇。

阿黃話：「你嘅崇高理念尚未到手、已先毀去我半條人命。假如再搞落去、我就一定瓜得。如果你要為爭取民主犧牲、我一定唔會反對、因為你有你嘅自由。但係你在未得到我同意之前就夾硬要我犧牲、那就絕對係強盜所為。現在我唔係話民主唔好、更加唔係話要阻止你去爭取民主、我只係要求你唔好再傷害我。

坦白講、我是土生土長的、自出娘胎就從來未接觸過民主、但我擁有自由、在好幾十年艱苦拼博下、現在才有能力獨資經營一檔小生意。我本來賺得安定生活、一對兒女正在外國讀書。我自感富足、有閒暇時便與另一半出外旅遊、到處看看這個世界。但勢想不到、今次一場政治風波就機乎毀去我的一生事業。我在投資市場上受到突而其來嘅打擊。我用盡一生積蓄開設的一檔小生意亦同樣受到這一場政爭嘅沖激、淨係蝕租金都蝕到眼光光、更何況還有燈、火、水、電、夥計人工等支出呢？現在我那檔小生意已經陷入半生不死狀態之中。假如再係咁落去、我必定完蛋。到時你班人個個拍拍羅友就走人、而我就獨個兒面對嚴重財政困難。試問又有誰來還我公道呢？

唔該你哋雙方做做好心、大家坐低好好咁講掂條數，唔好再累無辜嘅街坊喇！好嘛？」