有感而發

民主浪滔滔

不怕斬頭刀

欲圓夫子夢

代價要幾高

如果你問我是否支持無篩選嘅普選、我可以話畀你知、我支持。不過如果你問我是否支持戰中嘅話、我的答案是不支持。因為我早已經從8964之中學懂了！當年我雖然身在紫荊城、但也和其他人一樣從電視畫面見到書生為了挽救國家、絕食要求政府改革。那些畫面深深的感動了我、於是我也像其他紫荊人一樣、在自己的手臂上戴上黑布帶、以示支持。但當第一下槍聲響起時我的心便沉下去、那種刻骨之痛至今尚未忘懷。

有人將今次嘅9.28與當年6.4相題並論、但電視畫面見到的卻不是書生以死相諫、而係有人當街圍爐共食、有人竹戰耍樂、有人打乒乓消遣、甚至有人在馬路上放置彈弓床和碌架床露天而睡、這一切似湊熱鬧多過示威。當年京城書生用不着阻人搵食、單憑一棵赤子之心緊守着「南天門」便感動全世界嘅龍的傳人群起支持、而今日紫城書生卻霸佔公路、堵塞交通、妨礙民生、與民對抗。恕我得罪講句、若硬是要將當年嘅6.4與今次嘅9.28相題並論、對前者委實太過不敬。

坦白講、戰中三子做事完全無原則可言。他們給與人的印象就是左遙右擺、見步行步、而且朝令夕改。明明講好在10.1於「常開門」外大排筵席與衙門內官家酒會打對台、但忽然之間臨時改變主意提早在9.28摸黑開席、結果搞到出師不利三子內訌。更令人意外的就是、他們剛剛興奮的宣布戰中遍地開花、但轉過頭來又話旺區、灣區、銅區等地嘅示威者並非他們一伙。霸佔道路受到多個勞工團體反對、附近嘅坊眾和店鋪東主已經不耐煩、喊罷教、罷市和罷駛又冇人響應、居然叫司局長拿出良知來、放棄每個月三十幾四十萬嘅高薪厚祿、炒自己魷魚。除非真係有司局長係戰中自己友啦、否則睬你都戇居啦！係冇？搞成咁、不如唔好叫雨遮革命嘞、就叫無遮大會好過啦！戰中書生領袖唔信鏡、親自跑到旺區踩場、結果自討沒趣、被當地示威者罵到落荒而逃。你睇、幾堆人各據山頭兼各自為政、搞到七國咁亂！究竟條絲帶是代表那一堆都未知、咁即係點啫、吓？