2014年10月19日星期日

黑警啟示錄



政棍將人整
捕快變黑警
官家無能事
大眾眼矎矎

呢嗱、世界輪流轉、在1967年暴亂期間阻仔稱香江捕快做黃皮狗、之但係到咗2014年、書生革命嘅今日、爛民政棍喊捕快做黑警。點解會咁?答安就是人嘅劣根性失控所致。扣帽子從來都是政棍慣用嘅伎倆、為咗要達到一己之私、連人性都可以泯滅、甚麼喪心病狂嘅事都做得出來。

好端端的一班巡捕房夥計、點解會忽然之間被稱為黑警呢?理由就是抹黑、因為只有咁做才可以將捕快描繪成神憎鬼厭、從而加捕快與示威者互相仇視、好讓抗爭最終能夠演化成暴亂。如果你回頭看一看、就會見到當書生先後兩次與政府達成談判協議之後、登時就有人在臉書及互聯網號召大批人湧入迫爆區衝擊捕快防線。前一次成功破壞雙方談判協議、但今次也許是書生心中有數、所以衝擊只能換來戰中三老對政府幾句奇奇怪怪嘅指責、而談判協議暫時並未受到影響。從這個角度睇、無論戰中三老怎樣否認都好、事實上戰中早已被政棍騎劫。即使書生肯罷休、但政棍一樣會繼續搞下去、甚至用盡一切手段令到書生不得離場。

今日嘅情況令在下想起8964學運期間、當一群不想無限期留守廣場的書生開始撤退時、來自世界各地嘅人(包括聲稱在途中遺失兩百萬損款嘅李工頭)帶備銀両和物資到現場打氣、令到本來已經撒退嘅書生重返廣場到一樣、結果就是要求不遂、流血收場。如無估算錯誤嘅話、相信今次戰中嘅書生亦是同一命運成為有心人嘅犧牲品。

依在下睇、今次抗爭事件是無可避免的。長久以來縣府嘅態度完全係重商輕民、施政混亂、以致民間怨氣不斷積壓、因此一有缺口就爆發出來。當年「二十三兜」如是、前次「國民咬肉」如是、今次「紫荊改革」亦如是、無一不是曝露出市民對政府不信任嘅鐵證。呢嗱、明明「八問五」係益街坊之舉、但騙騙受到百般阻攔。明明覓地建公屋和居屋、增設骨灰龕、設置三堆一爐都是為全城市民好、但也難逃被反對命運。這一切都是政府施政無方、以致基本民生改善全無着落、而那些大白象工程如「西狗」和「糕鐵」等就後發先致。今日蟻民正在為住而發矛、而縣府就只管為大白象工程大灑金錢、咁你話嘞、市民又點會唔嬲爆呢?其實有幾多人反對政府並唔係政棍所能控制、而係一切由政府決定的。只是不知到縣首想通了沒有而矣?

19 則留言:

  1. \(*⌒ヮ◕)/如果笑能讓我們釋然•*¨*•❤就開懷一笑
    ❤生活是沒有模板的•*¨*•天天開心錫錫+幸福抱抱每一天
    Louis Rick`*•ღ開心享受美好時刻當然甜夢☁*¨晚安喇喂・゚☾★

    回覆刪除
  2. Lou 哥, 本來真係唔想講亦唔敢講呢啲咁可能被圍攻,人肉或被黑嘅"另類"聲音,見到你都唔怕,咁鬼夠胆講,都噏下!
    香港警隊嘅"鵪鶉"演出,絶對係証明咗,香港係幾咁民主,幾咁文明,幾咁人權同埋幾咁警權弱小!
    除非是盲了眼,或者被乜嘢完全矇騙,矇閉,係大量YT都睇到,如果唔係有人帶頭衝擊,警方完全被動,係放催淚彈件事,視頻中果位穿綜紅色戴眼鏡好似郁文嘅人, 完全係指揮,煽動,推動衝擊警方,清清楚楚,如果你地仲否認仲話係和平理性,仲係話警方挑釁,咁,呢個係乜世界,唔再識講!
    香江家陣新聞界已經墮落到比垃圾還垃圾,唔好講生果,生果直程係"思埃偽"嘅分部,冇計!但係佢個老總張乜水係中大出嚟嘅,佢助紂為虐同埋埋沒新聞良心同道德,日日砌人生豬肉,借插人為要脅去攞廣告,對唔對得中大嘅校訓月同校歌,一間中大,一間港大,唔知點解,都係同校訓背道而馳!
    佢地成日話追求"炆煮",但係"炆煮"係乜嘢,奇怪,連教果個都好似唔識咁,其實"炆煮"呢個日本佬嘅名詞,害盡中華眾生,佢地應該返去圖書館睇睇乜嘢叫"德莫克拉西democracy",德先生係乜?
    講番轉頭,當日,防綫差人已經面臨被推倒壓死的邊緣,群情洶湧,你問你點做,撤退?係咁環境,點撤?實俾圍毆,圍跴!開槍?更加唔可以, 胡椒噴霧? 完全無效,因為已經被保鮮紙等阻擋晒,警棍?一樣無用,一打出血,大鑊!而且人多,你打不到幾多,最衰嘅係而家警棍同我地六十年代嘅唔同,無鬼用,無力嘅!咁!唯一係"最冇殺傷力同有效嘅只是催淚彈!仲有大部份係手擲果款,更無可能有殺傷力!以前的新聞記者大部份會認識警隊運作,知道詳細運作,如今,係學歷高咗,但係不學無術,還要自大自我,唔會去主動瞭解,還有唔讀書(唔夠通識),再加偏見同編輯"專制"同"立塲,警隊有冤無路訴!
    如今,最無恥,最獨裁,最白色恐怖係果一班所謂爭取"炆煮"嘅人,用最卑鄙無恥,傷害無辜小朋友的手段針對維持社會秩序,不眠不休的差人,就係人肉警員,將他們的家人朋友,兒女批鬦示眾!
    這些毛魔文革的殘酷殘忍殘暴手法,竟然被呢班日日夜夜挂係口話係推動民主嘅人同團體,是不是無恥無能無義無品無人性,咁樣,跟"共肥"有乜嘢分別!!!!!
    最仆街嘅係滿口歷史中國舊文學又係教新聞嘅佢認唔係人嘅瘋癲"半黑社會"嘅郁人,同係加拿大國籍嘅社運垃圾"大夠",竟然瘋狂到話要香港人見血才係最高指示!!!
    三位神棍,教棍,法棍,去咗邊???果条教棍教授竟然話,"革命"成功後佢去自首!我呸!佢夠講過, 一亂就收手,如今如何????
    香港人大部份都有理性,思維,但係總有一班,,,,,,,
    香港警隊比世界上任何警隊"鵪鶉"和平,克制,理性,專業!
    我海漂剛好去露宿者營地清塲,如果話香港警察係暴力,咁瘋孽同米字旗果啲警察又係乜嘢?蓋世太保!
    上兩月,米國麥當努員工要求增加最低工資,示威唔夠一日,亂棍藕走,有好多俾佢地當豬咁"掟上"囚車,咁,香港嘅民主教父李大律師,我嘅主教(我係天主教徒)陳某人(不恥說他的名字),監硬搶走人地個女同叫肥彭唔好咁急攪民選嘅陳太,點解唔同佢地老友,奧巴馬勸一勸!
    小弟絕對支持Demcracy,支持全民有選擇權利,但我深惡"偽民主",痛恨實際要求假普選嘅泛民公民等訟棍提出的假普選!(要佢地係有廣大代表性提委中只𦓔20%就可提名),這是民主嗎,不如咁講,總知係認做泛民都可以提名!"有廣大代表性提委",對!有不完整之處,但你知道嗎,呢個機制係邊個攪出嚟?唔知呢,就係肥彭同陳太,唔信你地去中央圖書館摷下,又除咗少部份提委係有爭議之外,其他係乜人?你去睇清楚,你地乜都唔睇,一棍藕落去,好大可能你地藕到泛民同街工!收口,唔再講,準備被人肉,被黑電腦!被批五毛,,,,我唔止攞五毛,我攞成条雞掃!

    回覆刪除
  3. 域Sir,今次香港差佬的忍耐力比起其它國家已經好得多啦,不妨睇下佔領華爾街的片,花旗差佬打到示威者嘔哂電。

    回覆刪除
    回覆
    1. Wai 兄、香港人心態是有事鍾無艷、無事夏迎春、總之有難就公差好、冇事就踩幾腳咁啦!

      刪除
  4. 花旗差佬打到示威者嘔哂電,對施暴者好似冇乜嘢咁...................
    香港警察執勤就俾人鏟到上天,有警察家人私隱仲上埋網公開.............

    回覆刪除
    回覆
    1. 由此可見香港人並唔係自己講得自己咁高尚。由其是那些高舉民主旗幟玩獨裁嘅家伙為甚。

      刪除
  5. 我以前都係投李工頭一票的,但經過呢次睇清佢嘅憎面目,但聞見聯班友又奴性太重,投唔得落手,我諗我係時候放棄做選民了!

    回覆刪除
    回覆
    1. Philip CHU 晚上好,
      反之,在下會珍惜手上的一票,

      刪除
    2. 飛擸兄、華娃兄、你們好。在下認為無誰是飯民抑或建制都係冇個揀得落手。不過經此一役、相信在下次選舉之中、肯定有一方輸到連阿媽都唔認得喇!大家就等着瞧好了!

      刪除
  6. 域兄晚上好,
    回歸後港人不能有效治港,民怨累積,尤其年青一輩,看不見將來,

    學生打衝峰,來勢狼夾兇;
    為求真普選,雨傘把你攻。
    港人皆撕裂,堵路阻交通;
    議員分兩派,誰能辨奸忠。

    回覆刪除
    回覆
    1. 華娃兄、晚上好,

      三名縣首嘅第一個有德無才。第二個滑頭有餘、領導無方。第三個以牙還牙、亂上加亂。試問又點會太平?

      政治無奸中,惟有假大空;
      惑眾鬧情緒,有着自然鬆。
      投君之所好,就手稱英雄;
      五行今倒轉,注定勢當凶。

      刪除
  7. 其實並非單是民怨爆發,假如那些真的是黑警,咁仲唔乘機爆得更大鑊,又怎會藏匿黑處打人?
    真是衝突過了界時,那就不是流血咁簡單,相信死人都有份!想想一個黑警有多少發子彈?

    回覆刪除
    回覆
    1. 在下相信、只要係人就會有失控嘅時候、因此無論用涉嫌尿液潑警察嘅人、抑或濫用私刑嘅警察都要為自己嘅所為負責、誰也不得抵賴。只有咁至可以維護法律公正吖嘛!

      刪除
  8. Shu Siu 早上好,
    在下認為經過幾個星期的佔領行動,前線警員慘被褥駡,有個別警員的精神已到了臨界點,在未能制止違法人士之餘還要向其作出保護,難免會有如此擧動,因而被有心人指為 "黑警",試想想,香港警察是否他們所說的醜陋?

    回覆刪除
    回覆
    1. 華兄,你好!
      青年學生的熱血代表有心…便作出些較為有勇氣的行為,因是故每人各都有不同底線,警察也一樣的,一樣也可以是有心…如若挑釁破了這底缐,相信亦會做出愚蠢事情!

      刪除
    2. 華娃兄、如兄、你們好。依在下連日觀察所見、警察機乎每一刻都忍受着示威者嘅挑釁、但警察總算做到克制。注於動用私刑是不能以受刺激來掩飾、因為警察是受過專業訓練。

      刪除
  9. 越睇越似呢套片講嗰D。
    https://www.youtube.com/watch?feature=share&v=qyqKDomSeUk&app=desktop

    回覆刪除
    回覆
    1. 謝謝自由兄!這套確是值得一看的片子!

      刪除