革誰的命？

自由多造福

民主未滿足

書生齊革命

大眾眼睩睩

日前有人替京司傳話、指阿爺認為已經在「廿三味」以及「作文教育」兩方面作出讓步、今次「紫荊改革」決不妥協、亦不會讓此事以流血告終。呢嗱、未知各位街坊對於這番話有何感想、但在下聽落就驚驚地喇！所謂不妥協不流血、等同叫班書生放心玩、鐘意點玩就點玩、要玩到幾大就幾大、話之你玩到翻天覆地都不會有鎮壓嘅、總之唔使主意動搖朝廷嘅決心。咁講法、豈非等同宣布有死紫荊人死？難怪連李老闆都企出來呼籲書生收手啦！

按目前形勢看來、十足十是紫荊人引火自焚嘅格局。由事情發展過情看來、證明戰中三老定下的所謂「靜坐示威、拉不抵抗」嘅策略根本上是假的、實情係一開始就全面陷入對抗狀態、例如高舉雙手而身體阻擋或碰撞、霸佔道路、設置路障、雨遮對抗、剛剛還有報導指、有二三百人包圍三名捕快阻止人家將掟膠樽的人帶走、早前亦有人因為向捕快潑疑似糞便液體之後涉嫌遭捕快毆打。從形勢上看、雖然常常見到示威者高舉雙手、但未見得有那一點不是違反戰中聲明「靜坐示威、拉不反抗」的。縣府明白到時間一長、類似行為必會激發市民嘅反感、因此擺出一副滿不在乎嘅姿勢實行拖得就拖。可不是嗎？在重要時刻、縣首、大總管及多名主要局長居然離開工作崗位、其中有人跑到外國訪問、有人進入內地開甚麼發財會議。難道咁嘅表現唔係世間少有、唔係令人齒冷嘅咩？之不過、人人都心裡明白、這場鬥爭拖得越長、對示威者越不妙。原因是當市民蒙受嚴重損失之後、必然遷怒於示威者。由於示威者長期霸佔街道、已經對市民嘅身家性命財產構成威脅、假如無了期的拖下去、誰也不敢保證社會上不會爆發衝突。萬一上演街頭群毆事件、紫荊城必然陷入動蕩不安嘅狀態、全城經濟亦隨即癱瘓。如果出現大量資金撤離事件、即係話已經到咗街坊軍登場嘅時候、到時金紫荊就真係玩完架喇！