2014年10月10日星期五

民主是啥?

民主未益你
已先傷和氣
眾生標松柴
無非皆為利

日前白鴨黨坐館婆瞓街姐被書生追問何謂國際標準嘅時候、她回應謂「能夠讓不同政見者參選舉」就係喇喎!睇嚟、瞓街姐可能係瞓唔醒都未定喇!難道她認為花旗人會容許共產黨人參與該國各級選舉嘅咩?答案當然係唔可以吖嘛!道理正如阿爺是絕對不會容許外國勢力干預縣首選舉一樣咁簡單。若問那一家民主模式才算係真正嘅民主、那實在不好說。之不過、山姆大叔那套金權政治式民主在世界流行榜上高據首位、而目前阿爺那套一家專政式民主仍未上榜而矣!

講開又講、民主呢家嘢聽起來簡直像魔咒一樣使人着迷、但當人們把其面紗拿走之後、就會發現原來是當權者以此來催眠大眾的把戲。現在就拿自稱是世上民主最大國嘅花旗來作個比喻吧!在總統大選之前、民主、共和兩黨內有意思參選嘅政客、首先會走訪各州各郡硬銷自己嘅一套管治理念以爭取民望、人氣最高的人就會成為該黨唯一提名人、最後就是擺上台讓全國民眾以一人一票方式揀一個人出來當總統。一般而言、人們眼見以上一切便認定這種就是民主選舉。但殊不知原來兩黨嘅提名人在未公開自己參加競逐之前、必須先獲得大財團答應在背後大力支持才行。講得白一些、就是大財閥透過政黨、擺兩個心儀嘅人物出來讓民眾隨意揀選一個而矣!

咱家龍的傳人作事向來不屑偷雞摸狗、故此在選舉之前、擺明車馬由全國唯一大黨透過內部協商議定一份候選名單、然後再呈交國會以一人一票(可選擇投贊成票、反對票、甚至投棄權票都得)方式通過。如果名單獲得超過半數支持、名單上的候選人便可當選新一屆領導班子。由於咱家天朝奉行的是民主集中制、所以國會內嘅二千幾三千名人民代表、是由全國各省各市選出來嘅區域性代表所組成。從牌面看來、國會嘅選擇、就是代表着全國人民嘅選擇。由此可見、咱家龍的傳人確實是文明先進嘅民族、無論碰上甚麼選舉都好、總之不像西方那群紅鬚綠眼嘅死蠢咁、要自己落手落腳去投票咁辛苦、因為咱們有的是代表吖嘛!

呢嗱、呢個世界上嘅所謂民主選舉、大致上都係咁上下、分別只在於究竟係由你親手將選票放入票箱、抑或是別人為你代勞而矣!你可以唔信、但事實絕不會因為人們不高興而不存在的。

11 則留言:

  1. 美國對外吹噓民主非常成功,看追求民主的人如痴如醉可想而知!

    回覆刪除
    回覆
    1. 以在下認識的一些花旗友人來講、他們並不相信這個世界上有絕對民主這回事。

      刪除
  2. 西方推動民主只是榥子,看他們如何策動政變,把不親西方的民選總統從埃及和烏克蘭轟下來。只要肯親美,沙地亞拉伯沒有民主又如何。

    回覆刪除
    回覆
    1. 其實歷史已經很清楚、每當白種人有所缺乏嘅時候、便會以武力向有色人種嘅國度奪取。之但係今非昔比、因為核武器並非白人專有、所以又設計好一套叫「顏色革命」嘅玩意出來、實行以彼之矛攻彼之盾、而自己就不費一兵一卒坐享其成吖嘛!

      刪除
  3. 奧巴馬並不是只由自己報名,就可以出行競選總統的。他必須在自己參加的政黨裡,取得2千多張支持票,才可以跑出去競逐總統。

    回覆刪除
    回覆
    1. 對呀、要成為唯一代表出戰、首先要拉夠票才行。呢啲就係由黨代表人民進行篩選喇!

      刪除
  4. 一個從完善選舉制度選出來的領導,如果他心術不正,遺害更大;相對一個在較為不善制度選出來的領導,但他真的為人民謀福祉,兩者比較,大家會取後者. 由此証明,有才能及道德的領導比制度更要!

    回覆刪除
    回覆
    1. 對呀、無論任何制度都有其強項和弱項、但被選出來當權嘅人能真心真意為民服務、才是真正考驗。

      刪除
  5. 上星期看過葉錫恩女士網上一篇文章,很認同她的民主論!

    回覆刪除
    回覆
    1. 娜姐、我記得喇、葉女士在殖民時期曾經是窮人救是嚟架!

      刪除
  6. 民主民主,你是民時我是主,而是絕對。

    回覆刪除