誰說不是職務

常無開會搶密件

被人告到嘴扁扁

幫人遇上兜心撞

監房大俠佢當選

路邊社報導、常無被指控在垃圾堂辯論「橫兜事件」期間、忽然跑到發錢部老大撬牆馬面前搶走他的內功秘笈、然後交給橫兜鬥委豬八萬查閱。事後有人投訴而導致常無被有關方面以「冇大冇細」之罪控於公堂。聽聞話、常無辯稱當時他只不過是執行職務、並堅決認為自己冇有錯。有人質問常無是否認為強搶人家嘅內功秘笈就是職責嗎？嗱、咪話在下偏幫常無、我總覺得呢個問題真係問都多餘嘅。試問、當時常無若不是執行職務、難道是得閒過頭搵嘢嚟搞咩？須知到、常無之所以被捧為垃圾尊貴、無非是擁躉須要他在垃圾堂搗亂。因此、如果他不盡其搗亂之能事去搞亂垃圾堂檔攤嘅話、又焉能滿足支持者嘅要求呢、吓？！

俗語有講、有咁嘅擁躉、就有咁嘅偶像。正正因為常無是由擁躉抬入垃圾堂來當尊貴的、人們就唔應該怪罪於他了！冇錯、打從常無嘅過去睇嚟、佢唔係“掟路姆犀公仔、掟蕉、掟飛機”就係“咆哮、叫囂、兼喊打”而被罰離場。但總比起躲藏在暗角裡搗鬼嘅那群、又要威、又要載頭盔嘅扮花妲、強得大多了！歷史已經清楚的告訴街坊、常無嘅所作所為、雖然會惹起很多人不滿和反感、但最低限度、佢都算佢一個敢於洗乾淨個八月十五進人祠堂唱鐵窗雄淚之人。環顧當今政壇、亦只有常無一個人能夠達到“做到、認到”嘅境界。就係咁嘅原因、雖然他在上次垃圾堂大選之中被妖蜓嘅「驢洞計劃」所棄、卻獲得亂制內部嘅牆頭草集團暗中啟動嘅「扶常滅藞」計劃之助、在最後一刻氣走挑戰者（前公仔箱藝人）藞苴而進入垃圾堂。由此看來、常無絕對可以話係一個能食萬茶禮嘅專業政棍、基本上絕非那群事前收埋自己兒女、然後鐵起心腸出口術𧨾人家子女去參加戰中嘅偽君子可以比喻的。