大校的變態傳統

狂生惡行又一單

剝人兜褲以蠟彈

高級教育唔多妥

栽培爛鬼養生番

罪惡城內嘅大教館玩新生、搞到被玩者尊嚴盡毀時有所聞。然而、呢個咁變態嘅傳統卻是一代傳一代、而且大有越來越不知所謂之勢。剛剛有報導指出、紫荊大教館某學生向媒體透露、在學生會選舉代表期間、發現有參選者曾經遭廿人強脫褲子、並在其下體滴蠟、以致其心靈和尊嚴皆受損而退出競選。勢難想象、在今時今日嘅文明社會裡面、作為高級學府嘅紫荊大教館居然會容許學生從事這種獸行。難道這叫作「未當大任之前、必須踐其尊嚴、踏其心寧」乎？咁就難怪當今大學生被冠以大惡生之名啦！

所謂有因必有果吖嘛！唔怪得身為狀師嘅人物、居然公開在示威現場發出「不守法令並不等同不尊重法律」呢種咁不負責任嘅呼籲啦！據說、那群不斷鼓吹人家仔女去當炮灰嘅政棍、在黃亂爆發之前便將自己嘅仔女送去出海外避風頭。當初在下都唔係幾相信呢啲傳聞嘅。但經過細查之下、方發現從來冇人聽聞過政棍嘅子女有份參與示威、但在報章上見到其子女在外地活動嘅有關報導。如果根據政棍所謂「黃衛兵係打救紫荊人嘅天兵天將」嘅講法來看、佢哋好應該像紅門老祖宗毛伯一樣、將其寶貝仔送到最前線去至係吖嘛！想當年、毛伯在「抗花援朝」期間講到做到、派遣自己兩個寶貝仔去最前線當死士。結果壯士一去兮不復還。呢啲先至係大英雄、大豪傑所為嚟吖嘛！所以從來冇人敢膽話毛伯收埋自己啲仔、而讓別人仔女去當炮灰嘅。點似得罪惡城班政棍咁、人人將自己仔女柄埋、個個煽動別人仔女為一己利益而當炮灰咁無恥？更加不幸嘅就係、此等敗類之中居然有人是在大教館執教鞭的。咁搞法、想話唔教一群生番出來都難啦！係嘛？！