2017年4月26日星期三

大話民調



民調作大夾囉唆
騙盡無知笨小哥
諸君咪話無所以
若信一成亦是傻

呢嗱、開講都有話、民調家家搞、答案各不同吖嘛!雖然是同一個問題、若是題目字眼具有引導性嘅話、答案就會則埋一邊。罪惡城大教館久不久就會公布一次由民調得來的十大垃圾尊貴排名榜結果。若論到呢類結果可信性有多高、則見仁見智。例如今次嘅十大排名(填充神、豬八萬、近身桃、葉柳、正盲巫、烈女狀、焫雞雲、螻小蟻、常無)就已經夠晒玩味矣!聽講話剛剛被擠出十大嘅就係儸三七。嗱、如果民調係反映大教館門生意見嘅話、在下則無話可說。如果係反映普羅街坊意見嘅話、那就應該要諗吓、點解連儸三七呢類對街坊“七竅通六竅”嘅人物亦曾經登上十大喇!

由於委託大教館做政治性民調嘅人物或多或少都比較喜歡黃色嘅關係、故一直以來由大教館主辦嘅十大垃圾尊貴排名榜民調報告都被視為過於主觀。然而、比較偏重於藍色嘅民調結果亦唔見得客觀到那裡去。例如黃黨民調將候任揸拂人冧井在江湖上聲望貶到谷底去、而藍黨民調就將之捧到天上有地下無。咁你話嘞、呢類所謂民調係咪搞到人都癲呢?之但係、無論民調點樣假都好、亦只不過是文鬥。比起戰中衝擊、勇武趕客、怒火開年等武鬥事件斯文得多了!講真啦、負責搞民調嘅人係唔會信民調嘅、就正如那此黑心販子永遠唔會食自己售賣嘅食物一樣。那麼、民調是不是完全不可信嘅呢?嗱、我們不妨咁睇、與政治有關嘅當作鬧劇、與管治有關嘅當作無聊劇、有關民生、教育、房屋等一律當作悲劇、咁就一切都冇所謂啦!係嘛?!


15 則留言:

  1. 雖然政治人物不可以賣廣告?
    但我覺得呢啲民調簡直就係變相嘅商業廣告,邊個有後台邊個俾起得錢,結果就已寫得明明白白!

    回覆刪除
    回覆
    1. 本城無論是「假廾一八」和「真漢女干」都多、故是無醜不有的。

      刪除
  2. 信大教館個大教授嘅民調,即係甘願被(流)氓調(戲)啫。

    回覆刪除
    回覆
    1. 妖蜓攪屎棍、蜓妖假大空、見怪不怪矣!

      刪除
  3. 域兄晚上好,
    呢d 所謂民調,信佢一成都雙目失明,

    你調佢又調
    結果得啖笑
    用嚟做借口
    大家都心照

    回覆刪除
    回覆
    1. 華娃兄午安、
      對、所以只能當笑片咁睇。

      教頭搞民調
      風兩在飄搖
      聽者頭愕愕
      聞者眼眉跳

      刪除
  4. 好友♦・゚☁🌜甜夢瞓覺呢🌛💤
    ╔══╗────╔╗╔═╦╦╗─╔╗╔╗✨
    ║╔═╬═╦═╦╝║║║║╠╬═╣╚╣╚╗
    ║╚╗║╬║╬║╬║║║║║║╬║║║╔╣
    ╚══╩═╩═╩═╝╚╩═╩╬╗╠╩╩═╝
    ──────────────╚═╝晚安🌟
    眨吓眼時間過得好快╠╣aΡpy週四👀
    💕齊齊時刻笑笑💖享受天天美好💞

    回覆刪除
  5. 所謂民調大話多,如風一陣耳邊過,
    只要民調不武鬥,平靜就是阿彌陀。

    回覆刪除
    回覆
    1. 民調大話多
      只能當唱歌
      棄武去從文
      大眾笑呵呵

      刪除
  6. 民調呢家野等於鬼神論,信則有,不信則無。

    回覆刪除
  7. 仲未有恐怖劇、災難劇....不過,呢的之前已經有預演過了!

    回覆刪除
    回覆
    1. 最好就不要再流恐怖劇、災難劇喇....

      刪除