還我自主？

本來無拖欠

群醜亂喧染

沒借喊還錢

純粹鬧腌臢

昨日㒼陣遊街時、見到帶頭橫額上寫着「還我自主」四個大字、真係唔知好嬲定好笑。須知到、米旗統治本城百年、從來冇蟻民自主呢回事。然而、在大歸後就不斷有人向紅家會討回自主權。咁搞法、分明係阿茂整餅、冇嗰樣搞嗰樣。老實講、在「大影細國」嘅制度裡面、殖民地蟻民是不配享有自主權的。本城主權和治權係紅家會從米旗人手中拿回來的、根本上不曾欠不紫荊人甚麼。事實上、紅家會已經在「歸本法」授予紫荊人某程度上嘅自主權、可說是從冇到有。紫荊人可以要求獲得更大自主權、但要求並不等如討債。由其是那群“只有佢哋欠社會、而社會並無欠佢哋”嘅廢青所謂嘅「還我自主」、直程係無中生有。坦白講、佢哋嘅所作所為十足那些被寵壞咗嘅細路哥一樣、向家長索求不遂就攤在地上發爛渣死𦧲。可惜吖、呢群弱雞係注定係失敗嘅。吓、點解？咪就係佢哋唔承認阿家係家長、人家咪唔遷就佢哋囉！

回顧歷史就見得到在84年、已故嘅米旗一姐大雀二夫人、承着打贏蝠島之戰嘅餘威去同登伯伯講數、而被嚇到在人人大會堂門前石階躀低之後、才開始擺那個甚麼「代汝炮製」方案計劃上台。肥彭在92年上任後、便開始在政治上作出翻天覆地嘅改革。但當時嘅講馬辦老總白頭平指責肥彭破壞雙方協議、並公布另起爐灶。事實上、當時肥彭被視為破壞「五十年不扁」計劃嘅千古罪人。就當前所見、米旗並不能說是成功的。在兩年前黃亂一役搞到衰收尾之後、在今生爆發嘅怒火開年更加係神憎鬼厭、而反盟搞嘅大遊行聲勢有如江河日下。正如在下事前所料“是次遊街人丁旺不到那裡去”一樣、昨日參與反對小圈擂台大遊街只有兩三百人。正所謂義工都唔止呢個數目啦！係嘛？！曾幾何時嘅半百萬倒懵大遊街光輝、已經一去不復返。這足以證明、紫荊人正在利用自己雙腳告訴反盟、他們對於那些對抗性玩意越來越厭倦。可惜那群為反對而反對嘅人們、依然不敢面對現實而矣！