恐怖嚇機

行凶公司叫亂恰

此名聽落確心噏

顧客貼錢遭人𢱕

董事屈人恃大粒

近日花奇聯合行凶公司的一宗乙南龍裔花籍男士（乙花男）在嚇機上被欺凌事件越鬧越大、連花奇一哥特喪普都以「恐怖」二字來形容此事。目前已經有擅於打索償官司嘅頂級狀師自薦替乙花男索償。聽講話、索償額係以億計算、仲話唔贏唔收錢、贏咗兩份分。據行凶公司老總講、由於嚇機機位超賣須抽簽決定誰來讓出機位、而乙花男就是中簽者之一、但佢好鬥逞強拒絕合作、所以被機上警察押出機倉、其面部損傷亦係當事人自己弄成的。點不知當其他乘客將錄影片段擺上網絡之後、人們發現事情真相與行凶公司老總所講嘅話完全不符合、於是群起指責。翌日該公司股價暴跌八億花元、第三日跌破十億、使得該公司老總再走出來公開道歉、而且向全機乘客退回票價、希望能夠止咳。但似乎改不了人們對該公司嘅觀感矣！

據說行凶公司曾以每人四百元作補賞、希望有人自願讓出機位、在無人領情之下又再添至八百元、但依然無人願意。因此行凶公司才決定以抽簽方式決定。其中一對中簽嘅年輕夫婦願意轉剩隔日的一班嚇機、但乙花男仍然拒絕落機、理由是他必須趕回醫務所開診。行凶公司不理三七廿一便召來機警、在保安員協助之下強行將他拖出機倉。其實行凶公司有規定、嚇機愈時兩粒鐘起飛、承客可獲四百元賠償。超過三粒鐘以上、乘客可獲八百元賠償、愈時起飛最高賠償額是一千三百元。當時第二班前住相同地點嘅嚇機是在事發後第二天才開出、原則上承客應該獲得一千三百元賠償才對。照情形看來、行凶公司已犯下四大錯誤。第一、當日並不是機位超賣、而係該公司臨時安排四名職員上機。第二、並無按實際情況作出合理賠償。第三、以暴力將合法乘客拖出機倉。第四、公司老總公然講大話誣陷乙花男。依我睇、全部斷正喇！

當地龍裔社群質疑、四個中簽嘅乘客人之中有三名黃人和一名白人、有造假之嫌。之但係、如果行凶公司肯依足規則每人賠償一千三百元嘅話、件事就唔一定會搞成咁。現在有人質疑、假如中簽者嘅全屬白人、仲會唔會遭受咁嘅對待遇？呢單嘢焫焫吓、已經焫到種族歧視層面上去。目前情況係、涉事嘅警察和保安皆被停職、行凶公司惹上官司、老總道嫌無補於事。早知今日、何必當初呢、吓？！