2015年12月4日星期五

例摑姐 VS 烈判官



你話我浪費資源
我話你誤打誤傳
香港地滿城歪理
戇居青勝二和團

日前過氣無上庭大判官烈火麟公開指出、有人濫用司法覆核拖累咗本城大型機建工程、並點名批評前戰中鬥委娘例摑濫用司法覆核程序、但反遭例摑姐隔空發炮、質問「除咗判官之外、還有誰人有權力去推翻行企會嘅錯誤決定」?看來例摑姐滿以為今次一定窒到呢位過氣大判官口啞啞都未定。正當她沾沾自喜之際、點知烈判在另一個公開場合講、司法覆核並唔係用來挑戰府衙政策、審判院關注嘅應該係決策者是否依法、以及有沒有濫權。呢嗱、行家一出手便知有沒有、烈判就這麼樣簡單澄清一吓、就令到例摑姐懵都面埋喇!咁又係嘅、誰叫例摑姐問得咁貽笑大方?事實上她問得冇一窟似個大學生、極其量只像一隻小學雞而矣!

講起濫用呢家嘢、在下曾經聽聞過一個類似嘅個案。話說從前城管隊裡面有一名綽號㩋根嘅隊長、此人原來具有未卜先知嘅能力、並在每一次檢控阻街商戶之前、先至電巡捕房求救、然後才展開行動。不過當這種事發生得過於頻密時便引起巡捕房嘅注意、結果發現有人涉嫌先打電話求救、然後再踩爆個地雷。於是乎、巡捕戶向城管隊高層投訴、指有人涉嫌濫用巡捕房人力資源、要求城管隊嚴格監管下屬、以免再有同類事情發生而浪費政府資源。呢嗱、有咁啱得咁橋、那名㩋根隊長同樣是反問他的上司、除咗巡捕房之外、還有那個部門有權捉拿那些公然以暴力反抗檢控嘅人物?不過城管隊就冇佢咁好氣、並警告㩋根隊長、若然再有同樣情況出現、他必須面對紀律處分。

話說回頭、雖然烈判官表面上是批評娘例摑、但從他的一句「法律如無綱紀、法治亦只是空談」就聽得出、濫用和濫批司法覆核嘅雙方都有責任嘅。

14 則留言:

  1. 法律如無綱紀、法治亦只是和諧
    689是超然

    回覆刪除
  2. 挑戰府衙政策
    挑戰是否依法
    似乎審判院自己人都未搞得清楚
    才俾單案入到位

    回覆刪除
    回覆
    1. 知知而不知
      不知而知知
      有心抑或無心並唔重要
      重要嘅係能達到目的而矣

      刪除
  3. 莫講話仍然在大教館嘅學徒,就算嗰D出左木人巷多年,表現咪一樣似小學雞。

    回覆刪除
    回覆
    1. 當中有些是真的小學雞、有些是扮小學雞而矣!

      刪除
  4. ♦*✬好友✫。゚★晚晚甜夢安睡☁*`º☾
    ❉∴♣♧♣∵✾。・゚゚✱◇。゚*- ҈ -・・・⊹*¨`・¤
    ╔╗─╔╗█▄█.█▀█.█▀█.█▀█.█▄█
    ║║─║║█▀█.█▀█.█▀▀.█▀▀.─█¸„øº°¨❦
    ║╚═╝╠══╦══╦══╦╗─╔╗
    ║╔═╗║╔╗║╔╗║╔╗║║─║║
    ║║═║║╔╗║╚╝║╚╝║╚═╝║
    ╚╝═╚╩╝╚╣╔═╣╔═╩═╗╔╝
    ───────║║─║║─╔═╝║
    ───────╚╝─╚╝─╚══╝周末
    ❥・ ೋѼ*♥♡。・゚゚❤∵⊹・∴❣¨`*ღ

    回覆刪除
  5. 域Sir,濫用司法覆核,絕對勞民傷財,好似上次有位亞婆申請司法覆核領滙個單咪一樣。

    回覆刪除
    回覆
    1. Wai 兄、有人本想話撈多啲政治本錢、但區會大選卻證明有人只能撈咗碗白果粥咋!

      刪除
  6. 而家有很多人好似關二哥上身,乜都同你講甚麼公義,其實係想將自己嗰套加之於人,呢啲咪係霸權主義的一種咯!

    回覆刪除
    回覆
    1. 有些人是承師於山姆大叔、做事作風自然一樣啦!

      刪除
  7. 列判官所言非虛,愈來愈多人濫用司法程序,美其言為咗公義 ,實則上為了個人私利而浪費公帑。法庭本身做野又畏首畏尾,間接鼓勵嗰啲濫用司法嘅政棍,入世未深嘅學生同愚昧嘅老人家!

    回覆刪除
    回覆
    1. 社會上如無不公、政棍亦冇機可乘。如無縱容、社會就唔會咁亂。

      刪除