反恐 玩恐

反恐定玩恐

歷來多博懵

今者無厚道

遍地見哀鴻

突厥（土國）大佬埃爾不安為着阻止沙鵝炸毀伊恐佔領嘅油田和油庫、居然膽大包天、指沙鵝戰鬥機非法闖入其領空十七秒之久然後將之擊落、事後還聲大夾惡指那是灰熊京咎由自取和應該道歉。之但係、話口未完、埃爾不安自己又在未得巴比倫（伊國）同意之下貿然派遣坦克部隊踩入該國北部、又託辭打擊伊恐而派戰機飛入該國境內轟炸。點不知、當巴比倫大佬馬蘇武提出抗議時、埃爾不安卻說、在行動之前已經知會咗奧黑馬。由於埃爾不安嘅回應牛頭唔答馬嘴、氣得馬蘇武生蝦咁跳、在無可奈何之下、惟有向聯國投訴。

呢嗱、埃爾不安之所以話、行動前已知會咗奧黑馬、並唔係無的於矢、而係有所作為。因為連傻嗰個都睇得出、雖然奧黑馬明知到埃爾不安係完全靠唔住、亦知到他暗中跟伊恐作秘密勾當、但為咗要防止北約三大巨頭（罰躝西大佬傲浪得、得意志一姐墨黑耳、北列癲大佬家霉倫）跟灰熊京因為打擊伊恐而變得太過親密、故一直縱容埃爾不安從中搗鬼。無論是灰熊京、抑或係埃爾不安、只要其中一人按捺不住打起來嘅話、北約就要被拖落水跟沙鵝撕破臉、到時奧黑馬嘅盟友又重回到他身邊去聽教聽話。當北約鉗制着沙鵝之後、奧黑馬就能夠抽身返回南海興風作浪。若然能夠挑起東盟跟天朝擘面就最好。不然的話、就擺賓仔三世和安屁晉三上台同阿爺死過。當所有代理人都上晒戰場嘅時候、奧黑馬就可以下令制裁天朝、到時那些甚麼衣帶衣路、亞頭行、高鐵、核電廠等項目通通都會化為烏有矣！

更重要嘅就係、阿邊個自知單憑四千餘億花銀外匯儲備、對於十八萬億外債來說是資一抵債、但當整個世界到處都唔太平嘅時候、阿邊度便成為世界唯一嘅資金嘅避風塘、到時阿邊度嘅財政困局便可得以舒緩。試問、如果你係阿邊個嘅話、你會望天下太平而令自己走頭無路、抑或是到處點火然後大發災難財呢、吓？