2015年12月9日星期三

一代女俠葉錫恩


賢士與鬥士
只差一個字
理性討公平
人皆稱俠義

一生誠心誠意為基層市民抱打不平和爭取利益嘅葉錫恩女士、於今年十二月八日上午九時許與世長辭、享年一百零二歲。一九九五年在市政局大選當中、葉女士被對手(曾經是親密戰友嘅講筒盟(後稱白鴨黨)長老)華叔將其對社會的貢獻指為小恩小惠。結果葉女士前後兩次在選舉中被擊敗而淡出政壇。今日回頭再望忽然發現、原來當年葉女士嘅所謂小恩小惠、比起當今政客們嘅大幫大忙不知優勝多少倍。葉女士雖然未有足夠力去牽動整個社會、但數十年來受過她幫忙嘅市民已是不勝枚舉矣!

講起小恩小惠和大幫大忙呢兩家嘢、雖則話當無葉女士所做嘅係小恩小惠、但對於貧苦小市民而言是實在的、絕不似得今日嘅所謂大幫大忙原來是大搞政治騷、而且仲係破壞多、建設少嗰隻。小市民著重的就是實實際際嘅生活改善、而非甚麼遠大嘅政治理想、更唔想見到整個社會變成政治鬥獸場。今日嘅所謂大幫大忙帶來的就是拖慢民生改善嘅節奏。遠嘅唔講、就講講住屋這個具迫切性嘅問題。目前輪候上公屋嘅家庭數目已超過廿五萬之多、聽講話情況繼續下去、明年勢必超過卅萬個輪候家庭。呢嗱、千祈咪睇低呢個問題呀、再搞唔好嘅話、民怨定必加劇。俗語都有講啦、衣、食、住、行、係生活中嘅四大主要元素嚟吖嘛!現在食物安全已經令人不安、連飲水都變成嚴重社會問題、再加上居住問題、形勢都咪話唔嚴峻。吓、點解會搞成咁?呢啲咪就係政府和政客長期互捻嘅結果嚟囉!

依在下睇、當年葉女士堅持以和平理性嘅態度替市民爭取利益、才真正稱得上是王道、絕不是今日喜好鬥垮鬥臭嘅政治人物所能相提並論的。

16 則留言:

  1. 活到 102 歲, 做過咁多工職, 唔簡單呀, 一路好走.....

    回覆刪除
  2. 窮不敢與富鬥,官也不敢與富爭,有錢就無往而不利,這差不多已成香港現時的寫照!

    回覆刪除
    回覆
    1. 呢啲大概叫、社會越發達、人性越險惡吖嘛!

      刪除
  3. 永遠懷念守護香港的天使~~葉姐姐~~香港的女兒!

    回覆刪除
  4. 懷念葉校監;我是九龍城慕光的學生。

    回覆刪除
  5. 默默耕耘
    處事低調及出心
    絕對值得尊敬

    回覆刪除
  6. 葉錫恩是一個純為基層出聲的議員,沒有像時下的政客,只顧做搔!但葉議員亦有缺點,她認為基層巿民是弱者,故此部份巿民利用她的善心,向政府進行苛索。

    回覆刪除
    回覆
    1. 是的、畢竟世上是沒有完人、但葉女士那無私為人嘅精神、確實值得尊敬。

      刪除
  7. 英雄與美人,不許人間見白頭,她既是英雄,也是心地美麗的美人。

    回覆刪除
  8. 聽說葉錫恩女士擔任市政局議員三十二年,她致力幫助基層市民,是真心關懷弱者,是無私的付出。
    如今得享高壽辭世,相信很多的市民會永遠記得她。

    回覆刪除