有啥好肯定

官樣文章又一編

講人自講發花癲

天時地利皆不順

關門隱事過新年

日前縣太爺循例上京面聖述職、據消息亦顯示、無論是聖上抑或相閣大人均對縣太爺嘅管治成績加以肯定。然而、紫荊城內民怨未減、社會紛爭不絕、大型基建工程項目無不受到阻延、公家大帳房變成為超資工程填氹提款機、住屋問題比之前任何時間都來得差劣。在政治方面而言、莫講話與反對派嘅關係勢成水火、甚至連自己友籠裡雞作反。講到民生、就更加係乏善可陳。遠嘅唔講、就講吓聖誕節啦、聽聞話無論係工展會、抑式係美食節都係丁財兩不旺。咁你話啦、到底有啥值得肯定？

不過值得一提嘅就係、今次縣太爺面聖嘅座次跟從前完全唔一樣。從前縣太爺面聖時、聖上通常都是坐在鏡頭右邊的梳化椅上、而縣太爺則坐在咗邊（一個茶几之隔）嘅梳化椅上、形態上看似係主人家會客咁款。但今次見面嘅排場完全不一樣。因為今次會面場所是放着一張長枱、萬歲爺坐在長枱首端嘅座位上、而縣太爺和西灣辦等官員則分別列席在長枱左右兩邊。據說、朝廷今次嘅安排、就是要凸顯出君臣之別、好讓所有人都明白到作為臣子的絕不能與君主平起平坐。換言之、朝廷是要兜個轉來告訴紫荊人、由其是反對派政客、不得妄自尊大、因為只有朝廷才能夠當主人。唔知點解、在下忽然臭到陣陣河蟹之味。恐怕這表示着、朝廷即將要加緊對紫荊城嘅管控。信不信由你喇！