混蛋之城

無人敢說真心話

支持與否也挨罵

教頭大話兩三句

書生隨即發爛渣

近日社會上有人形容、嗰啲既唔幫黃亦唔幫藍嘅人以為自己睇透世情、其實係一群不懂民主和假作惺惺之輩。呢嗱、幫又被人罵、唔幫都被人罵、紫荊人真係唔易做咯！剛剛出爐嘅講大民調顯示、無論係泛派抑或建派嘅政黨同樣民望大插水。照咁睇嚟、人們對於政治爭鬥呢家嘢感到厭惡、已經係不爭嘅事實、可惜話事堂裡面班大帝個個借咗聾耳陳雙耳、懶得睬你之嘛！

有位熟知法律嘅仁兄話、要將戰狼三伯定罪、簡直此登天還要難。理由係、戰狼三伯只係叫人去飲、而班人就自己走咗去戰中、咁樣係唔關戰狼三伯嘅事。基於戰區是公眾地方、人人都可以來來往往甚至逗留、所要證明戰狼三伯在戰區教唆他人犯法就更加困難。那位仁兄還說、蜚聲國際嘅名啲咑佬「堅尼之」亦有到過戰區、而且還有他與戰區嘅粉絲拍下的合照為證、唔通你就可以控他以罪咩？注於戰區爆發嘅混亂、例如叫人擒攔、衝擊縣衙大閘、衝擊捕快防線等、亦不是由戰狼三伯出口的、要搵人負責都輪唔到佢哋喎！就算有證據證明戰區上嘅物資係由戰狼三伯所提供、都難以證明該等物資係作非法用途、極其量只能檢控有人在公眾地方放置雜物構成阻街、又或者棄置垃圾至喎！

呢嗱、一場政治鬥爭、紫荊城嘅法治精神就被兩名大教館教頭和一名傳道人所毀。現在路霸封街、連刑部衙門發出禁制令都當冇到、大群人集體踐踏紫荊城嘅法治精神。呢種人多可犯法嘅行為、已經對年青一代豎立起不良示範作用。現在仲話、搞事嘅主頭人物都可以置身事外。咁你話嘞、那些無辜受損失嘅市民豈非該燴？勢估唔到今日嘅紫荊城已經淪落到如斯田地矣！