撐到幾時？

屢勸你走你不走

堅持霸道封門口

擋人財路天之過

賣弄無知日後愁

某日聽聞一位仁兄話、他們堅決拒絕「袋住先、日後再改進」方案、並堅持「繼續違反禁令、日後再認罪」嘅策略。喂喂、咁講法、豈非等同繼續殺人放火、繼續偷呃拐騙、繼續奸淫虜掠、繼續作奸犯科、總之日後再去自首就OK？難怪黑白兩道上嘅朋友都係咁落力支持今次這趟革命啦！

正當人們以為黃遮黨近來動作多多、目的是在尋找下台階之際、彼方突然傳出要改變策略、實行與捕快打游擊戰。據說雨遮黨已經取得共識、當捕快到戰區清場時便將戰線往禁區以外地方遷移、繼續封街擋路。之不過、最近亦有團體策動灘頭保衛行動。近日在各個重點區域見到有紅絲帶人馬開始部署、以防雨遮黨攻佔。換句話講、新一輪嘅街頭爭奪戰即將爆發、咁就真係唔知要亂到幾時矣！

其實早前有傳聞指出、表面上看來花旗老大是雨遮黨幕後大老闆、但原來實際上只是小股東、而真正的大老闆目前還未有曝光。由於雨遮革命開壞牌頭以致天時、地利、人和盡失、花旗老大已決定關水喉、而其他大老闆亦不想再糾纏下去、只要總舵能夠答應降低打雷台入選門檻、以及將揸拂人施威廢掉就願意收貨。之不過目下雨遮革命嘅氣勢猶如江河日下、議價最佳時機亦早已流逝、如果能爭取得到降低參加打雷台嘅門檻已算萬幸、其它如甚麼公開道歉、燶民提名、廢除宮能組、廢施威等要求大可休矣！開講都有話啦、出嚟行係求財、而唔係求氣吖嘛！目前這種「阿蘭嫁阿瑞」累鬥累嘅環境絕非求財之道、再拖落去嘅話、只有蝕路一條、相信精明嘅生意人絕對唔會讓事情這樣發展落去。因此如果雨遮黨還不知進退的話、勢必成為棄嬰、到時就勿怨人家過橋搊板喇！知冇？

呢嗱、咪被我估中、依我睇那幾名揚言衝關北上嘅同學仔、人尚未通過關卡就被捕快以擾亂公安罪拘捕。信不信由你。