2014年11月28日星期五

旺區從此平靜下來?







你反我又反
難分莊與閒
毒瘤雖切去
留下一身潺

呢嗱、反盟終於成功借巡捕房之力去剷除旺區戰場的那個大毒瘤。事情發展到今時今日這個地步、如果唔係盲嘅都睇得出旺區佔據時間越長久、反盟嘅乞人憎指數就飆升得更高、恐怕最終連擁躉都會變心、到咗驅異堂大選嘅時候也一敗塗地、咁就真係陸雲霆睇相、無衰攞嚟衰架喇!因此反盟陣中主流意見是要棄守旺區穩守鐘區、但這個意見卻不為旺區揸拂人癲教頭和鐵血幫老大辣腸王所接納。在無計可施之下、反盟惟有調走自己嘅人馬、並對捕快與鐵血幫之戰作壁上觀。

輿論口徑機乎一致肯定花旗就是今次雨遮行動嘅幕後黑手、並曾經透過民間組織撥款四千萬両支持行動、但青色組織將佔領區收回嘅垃圾作詳細分祈之後、估計單單花在戰區物資供應方面嘅費用已經超過兩億両、比花旗提供的四千萬両高出一億六千萬両之多。那麼、究竟其餘嘅錢是從那裡來的呢?江湖傳聞指、錢是由城中幾位大孖沙提供的。據說大孖沙上次在小圈子賭局之中輸到損手爛腳之後一直心有不甘。雖然總舵主曾經與幾位大孖沙摸過杯底、但亦難阻他們透過各種途徑玩對抗。當大孖沙發現大腰亭教頭到處宣傳黃雨遮之時便心生一計、透過田雞老大將一畢資助金交給負責雨遮行動後勤補給嘅剁人李打發。當大孖沙發現旺區原來是有人舉高雨遮反雨遮嘅時候、便要求反盟與之劃清界線、否則就斷水斷糧。因此才引發起常無和大舅齊聲指責鐵血幫突擊話事堂的以表心跡的一幕。照咁睇嚟、雖然大毒瘤已經被切除、若以為事件就此平靜下來、恐怕未必。




9 則留言:

  1. 周圍遊魂野鬼,邊有咁快呀!

    回覆刪除
  2. "炆煮" 不依民情,煮成一鍋粥!為民請命,原來是擾民攞命!

    回覆刪除
    回覆
    1. 依在下睇、城中嘅民主是有親疏之分的。自己的一家才是親嘅、別家的可以不理。

      刪除
  3. 域 Sir, 係人都知道今次呢個雨傘運動背後有人用銀両支持啦,財可通神,有錢使得鬼推磨.

    回覆刪除
    回覆
    1. Wai 兄、所謂三軍未動糧草先行、冇銀就冇人做嘢。今次反盟搞個大頭佛出來、亦是因為對手更加有錢之故。

      刪除
  4. 就係知道政府不敢硬,咁人人都想抽下水,抽到的想再多啲,未抽到的就陸續有來……
    咁搞法就不知幾時至可抽乾水(我指係抽乾的係香港人)!

    回覆刪除
    回覆
    1. 政府不敢硬只係服從命令、相信唔使幾耐想唔動真格都難。因為有消息指有人就快唔肯食嘢、政府既不能蹆軚、那就惟有來真的了!

      刪除
  5. 咁大型嘅運動,無水點可以搞咁耐?總之就各懷鬼胎,爭乜爭物只不過係侊子,實際就係想混水摸魚,希望達到自己理想同利益!

    回覆刪除