2014年11月22日星期六

割蓆的啟示



你博同情我博衰
明爭暗鬥有人隨
本來合作稱兄弟
唯獨今次各一堆

有人話、早前大學徒打鑼打鼓闖關北上是假的、藉着被拒入境博取大眾同情才是真的。不過亦有人話、鐵血戰士突襲話事堂、目的就係要製造衝突迫使巡捕房出手鎮壓。事後有人揭發那群鐵血戰士之中、居然有人在互聯網上大造文章攻擊雨遮動運、並將整件事與爆粗教頭有親密關係嘅鐵血幫串連在一起。如此一來、整件事就變得異常詭秘、並予人一種撲朔迷離嘅感覺。

呢嗱、江湖傳聞指今次搞事嘅人表面上是雨遮革命激進分子、但其真正身份是敵方派來嘅臥底。本來在污穢嘅政治鬥爭之中、暗藏細作一點也不出奇、但諗落又覺得有啲唔妥。按照正常邏輯看來、一個在網上不斷寫反革命文章、而且在陣前又戴上口罩遮遮掩掩嘅人、理應只會在後面慫恿別人去打衝鋒才對、為何偏偏違反常態要親自操刀上陣咁戇居?仲有、雖然話雞春咁密都會菢出仔、之但係呢頭剛剛拉人連手鐐都恐怕未帶上、嗰頭就話都冇咁快傳出被捕者是無間道、有冇神速呀?呢單嘢睇喺、係有人故意混淆街坊嘅線視。最耐人尋味嘅地方就係反盟要與鐵血幫劃清界線嘅同時、大學徒卻表示願意跟鐵血戰士加強溝通機制、而另一方的鶴紋之潮是次取態只屬模稜兩可。由此看來、大學徒似乎是有意捨反盟而取鐵血、而與反盟有血緣關係嘅鶴紋則採取觀望態度。照咁睇、激進勢力就快會成為這場運動嘅主導了!

今次激進派嘅常無與大舅史無前例的第一時間企出來與衝擊者劃清界線、證明呢單嘢實確一點都唔簡單。以其說反盟爆發內訌、倒不如話係與鐵血幫脫離關係。即係話、往後鐵血戰士嘅一切行為皆與反盟無關。注於點解要咁做、相信唔使問阿貴都臭到火藥味啦!係嘛!睇嚟、在不久之將來雨遮行動就會升級架喇!身為在職尊貴當然要置身事外、然後至能夠在政壇上保持實力吖嘛!吓、唔信?那就不防拭目以待吧!

12 則留言:

  1. 域兄晚上好,
    京城大學徒在廣場 gathering 時, 開始是悼念領導人, 繼而感懷身世打起反貪腐旗幟, 先由溫和派負責帶頭, 聚會中期溫和派被進取派取代, 後期進取派更被激進派取代, 結果......發生淥死事件,

    明節為保身,
    無謂攞苦辛
    撰票甚難求
    界線要劃真

    回覆刪除
    回覆
    1. 華娃兄晚上好、南天門班學生絕食、而紫荊城班學生就嬉戲過日晨、那班政客更加係志在抽水、叫佢哋犧牲連諗都唔使諗、由此可見誰來真的、誰在做戲矣!

      頂白見紅跟
      政客最均真
      人人把命拼
      佢哋怕傷身

      刪除
  2. 姚敏的靚曲靚詞

    紅紅的太陽下山啦咿呀嘿 呀嘿
    成群的羊兒回家啦咿呀嘿 呀嘿
    小小羊兒跟著媽 有白有黑也有花

    你們可曾吃飽啊
    天色已暗啦 星星也亮啦
    小小羊兒跟著媽
    不要怕 不要怕
    我把燈火點著啦

    啱喇!啱送俾的學生哥啦!

    回覆刪除
    回覆
    1. 娜姐、現在班學生哥已經不能自主、呢劑嘢真係杰過漿湖架喇!

      刪除
  3. 域Sir,整個運動攪咁耐都一無所得,皆因呢班友全是烏合之眾,拉雜成軍,各據山頭,而且羣龍無首,更不是想像中來去自如,話撤退就撤退。

    回覆刪除
    回覆
    1. Wai 兄、呢個運動根本上一開始就錯。現在紫荊人嘅政治權利並無被剝削、只是人家畀得未能令班大帝滿意、根本上距離要搏老命過有十萬八千理咁遠。然而呢班友係都要爆大鑊、但偏偏又痕又怕痛、搞到唔湯唔水、政府當佢嘢傻仔、而受影響嘅市民就被佢哋當傻仔。試問班學生哥點會唔乞人憎呢?相信唔使幾耐就會變成過街老鼠架喇!

      刪除
  4. 回覆
    1. 其實一點都唔出奇。請看看、搞手縮沙、政客精甩辮、學生無主意、社團入侵、市民離棄、真係唔知點收科。

      刪除
  5. 今次呢單野,人性無遮無掩show晒出來,污合之眾,又點可能有長期合作。

    回覆刪除
    回覆
    1. 在下一向認為有政治冇道義。今次不幸被言中矣!

      刪除
  6. 陰謀論係幼稚想法,逢有大型運動,就會招致一啲不滿政府嘅激住示威巿民!佢哋本著搗亂心態,來宣洩心中不滿!如果明白政府運作,都知背後策劃一定會出現問題,等於黑社會臥底,要向律政司預先攞咗指示等等!呢啲咁敏感嘅政治事件,律政司點會咁蠢被拖落水?加上政府內部有不同意見嘅人,容乜易爆出去!

    回覆刪除
    回覆
    1. 飛擸兄、你分析得對極了!只係仲有些人唔信鏡啫!

      刪除