應該擴張宮能組別

戰中原是雜牌軍

一氣谷來便發瘟

先生教路前不進

有着同分退爛民

江湖盛傳總舵主踢田大出紅家會已經表明、不惜犧牲富貴黨七票而無法在話事堂通過紫改、亦不容許有人吃裡扒外。換言之紫改不成、宮能組別亦繼續發揮其劫貧濟富嘅角色。照咁睇嚟、紫荊蟻民豈不是繼續做冤大頭不成？呢嗱、開講都有話啦、窮則變、變則通吖嘛！既然除之不得、而且咱家縣首又口口聲聲話要公平地照顧各方利益持份者、那就反過來將宮能組別嘅代表性升級吧！

首先要明白、社會上之所以有咁多人唔妥宮能組別、是因為此組大部份人馬所代表嘅都是富人、並經常與建仔聯手閹割民仔支持者嘅性能力。因此令到唔少街坊腎上線分泌失調、搞到人人心焦、個個煩燥、若不跑上街頭發涉發涉嘅話、恐怕會有很多人谷精上腦而死。試問咁搞法、我們嘅社會又點會有太平？因此必須想辦法令到這些人的意見得以表達、從而舒緩社會上嘅怨氣。大膽講句、如果能在宮能組別增設多一千幾百個不同層面嘅代表議席、保證唔會再有咁多人跑上街頭喊打喊殺架喇！

今次戰中主角是學生哥、因此應該依次序增設：「學生界；廢青界；專業示威界；黑社團界；黑金輸送業界；同志界；媛交界；外圍博彩業界；丸仔零售業界；化工食物製造業界；撳老襯業界；扑頭及老笠界；三隻手業界；盜版業界；私煙零售業界；水貨及走私業界；外勞界；黑工界等代表議席。」當每個業界都有代表位列於宮能組別嘅話、誰再敢說其代表性不夠廣泛？若然學生哥取得如此可觀嘅成果、睇怕戰中都可以鳴金收兵啦！係嘛？