2014年8月1日星期五

基因作祟



你嬲我又嬲
未知幾時休
崇洋早有定
蝕本當豐收

上次榕樹頭講古二老(賣田李和陳四姑)明知西方嘅普世價值就是利己接受、無利過主、依然不委自任代表金紫荊跑到西方多國獻唱、結果既不獲盟主派認同、又受到保主派口誅筆伐指他們唱衰金紫荊。然而賣痰罐賣到街知巷聞嘅保主派大佬痰罐中最近居然也跑到花旗賣唱、並呼籲當地龍裔僑民企出來支持反戰中。呢嗱、龍裔僑民身體內雖然是流着龍血、但身份卻是不折不扣的花旗國公民、今次痰罐中那麼高調要求它國公民支持反戰中、難免令人質疑、咁做會唔會犯咗勾結外國勢力干涉金紫荊內部事務嘅罪名架?

眾所周知天朝最大忌諱就是外國勢力干涉咱家內政、然而江湖人稱天朝影帝的前內務大總管沙煲溫在任時也曾跑到花旗公開賣唱。人們不禁會問、何以沙煲溫有歌不在咱家人民大舞台上唱、而偏偏要跑到山姆大叔的家裡去唱呢?據說正因為沙煲溫開創了在花旗賣唱嘅先河、所以痰罐中今次在花旗登台被視為繼承紅家優良傳統、然而講古二老出師無名、除了犯下勾結外國勢力翻盅亂講嘅嫌疑之外、亦涉嫌侵犯天紅家專利權、那就難怪被人插到三魂唔見七魄了!

講開又講、洋人之所以能夠指手劃腳的干涉起咱家內政事務來、並不是他們有啥了不起、而是咱們自己人犯賤而去招惹人家。試問你可曾見過龍的傳人會去干涉它國內政?這並不表示咱家無能、而係人家從來都不屑卑恭屈膝的向咱家提出這麼樣的要求矣!仲有呀、咱家影帝之所以要跑到花旗賣唱、並刻意借助人家的擴暗器把歌聲隔洋傳送回來、無非是太了解咱家聽眾大多數都是聽遠唔聽近、亦明白到浸過鹹水嘅歌才夠份量吖嘛!講到呢度、相信大家都心中有數何解講古二老要跑到番邦去賣唱了吧!原來咱家龍的傳人骨子裡面是隱藏着一組崇洋遺傳基因的。

12 則留言:

  1. 賣唱遇著班撞聾
    拉雙璜拉到弦斷
    揸兜都冇人比錢
    咁唯有幫人扯線

    回覆刪除
    回覆
    1. 紫人跟風似條龍
      遇着大風就變蟲
      若問香江何處去
      孔明有話欠東風

      刪除
  2. 崇洋心態是早期紫荊城的遺根,大抵是根深柢固的了!

    回覆刪除
    回覆
    1. 龍的傳人多數都是崇洋、只要看看內地班走佬貪官就知在下冇車大炮。

      刪除
    2. 天朝以往都是反美,反帝,反蘇修。可是開放後對外國人總有特別的優待,這樣就讓人民羨慕得很!覺得祇要弄到張外國護照就萬事大吉了!外國的一切好像都是較為美好的。
      據知基層民眾投奔外國之後,很多都會後悔起來。貪官們腰纏萬貫,當然是例外的樂不思蜀了。

      刪除
  3. 哈哈!說話經過番邦再傅回來係唔同啲嘅,雖則天朝發言人口口聲聲話干預,又話勾結,實則心底裡還是甜絲絲的!

    回覆刪除
    回覆
    1. 大概係因為山姆大叔嘅可恨又可愛之故....

      刪除
    2. 呢啲咪係叫出口轉內銷咯,只要出去「兜過冷」就會聲價十倍!

      刪除
  4. 像香港,英政府時,華人怎敢多聲氣!
    回歸後,以華制華,社會嘈吵就不斷!

    回覆刪除
    回覆
    1. 大概是紫荊城回歸、而人心未回歸之故....

      刪除
  5. 域Sir ,港鐵就是好例子,又唔內部提升,本港咁多叻人都唔請,要到番邦揾洋人,你話唔係崇洋係乜?

    回覆刪除
    回覆
    1. Wai 兄、講起講鐵就把幾火、三日唔埋兩日出事、確實豈有此理喇!

      刪除