直銷凶鈴

電話廣告乞人憎

每日擾你兩三勻

雖已言明不奉客

凶鈴繼續鬧紛紛

以直銷凶鈴來形容電話直銷廣告推銷最適合不過、因為無論何時何地、這類直銷凶鈴都會透過你的手機煩到你嘔、煩到你嬲。即使你已經申請拒絕接收直銷廣告都冇用、因為那些凶鈴依然不停的來騷擾你。因此當你參加重要會議時最好是先關掉手機。不過、如果有人等着你去救命、而你又收不到相關訊息、而導致不幸嘅話、那麼錯的不是你、因為不幸是間接由直銷凶鈴所造成的。

記得直銷廣告這玩意是在啱曾當縣令時橫空出世的、當時已經有人提出立例規管真人直銷廣告、但佢話這類廣告可促進中小型企業務、而且創造咗好多就業機會、不宜過份規管。時至今日、直銷凶鈴已經成為紫荊城嘅過街老鼠、正當人皆喊打之際、縣府居然無視市民苦惱、而且重申啱曾講過嘅話來耍街坊、難免令人質疑究竟官商之間是否有不可告人嘅勾當。

講開又講、假如你家的門鐘每日都被路過頑童按響一兩次、但當你開門時就連鬼影都冇隻、於是你向管理處投訴、但管理員對你講、小孩子間中按一兩下你家門鐘只是鬧着玩、如果加以制止嘅話、佢哋就會搞個大頭佛出來、你還是張就點吧！呢嗱、身為管理員不獨只不為你解除滋擾、而且不斷挑戰你嘅忍耐底線、咁你話慌謬唔慌謬？這家管理公司嘅服務態度與咱家縣府相比、是否給予你一個同出一轍嘅印像呢？

更令人費解的是、坐在人民公社裡面嘅代表在此事之中人人眉來眼去、個個詐傻扮懵、連屁都唔敢放一個。由此可見人民代表所代表的不只是你、更多的可能是代表你老闆。在這個世界上、有政治就有政黨、有政黨就有獻金、有獻金就有動力、有動力就有擁躉、有擁躉就有聲勢、有聲勢就影響力、有影力就有勾當、有勾當就有政治。從以上那種千絲萬縷的關係可以看得出政治與銀両是掛勾的、否則咱家社會上就不會爆發那麼多獻金醜聞了！因此、政客造假當然可怕、但更加可怕的就是治者無良。咁、唔知你又點睇呢？