有好不學好
頭大腦生草
人浮失馬步
注定躀溝槽
呢嗱、賭仔口中嘅「鳳凰啤」即係睇定而後食、意思即係話有啲人永遠都會托住個羅友吊頸、肯定實食冇黐牙才會出手。剛過去的星期六反戰中陣營宣布收集到嘅簽命已超過預期嘅八十萬、不久府衙傳出已有紊責官大爺亦有簽名、然後輪到督爺跑出來話自己都會簽名、這陣子都可謂意氣風發矣!假有人以為督爺今次高調說自己會去簽名旨在催谷人氣嘅話、在下只能說結果必是適得其反。
呢嗱、唔係在下又撥冷水、今次紊責團隊高調簽名、等同在形象已經不濟嘅衙門踩多兩腳、結果肯定會連累整個簽名運動、講得上係陸雲霆睇相、無衰攞嚟衰。相信但凡不是用個屁股去思考嘅人都想到、一般市民在意識形態方面作出表達時、通常都不希望與官方沾上半點關係、更加不想被人誤解自己被收買。然而今日坐在廟堂之高者似乎永遠不知江湖險惡、除了把握一切機會展示忠心護主之外、恐怕別無它長。在下剛剛收到侄兒電話、對於自己簽名嘅原本動機被人歪曲感到無奈。他說簽名反佔中只是不想見到金紫荊經濟受到無謂沖擊、但勢想不到官老爺一口咬定簽名反戰中等同願意接受官方提出的普選的。他質疑、目前官方連普損藍圖都未正式公開過、憑啥一口咬定簽名反佔中嘅人是支持的呢?
剛剛聞得簽名大旗手白頭兜話、上周末一日之間能夠收集到廿三萬多個簽名是與盟主派收取獻金醜聞有關、但在也下可以話你知、假如市民簽名熱情忽然下滑、就是受到官老爺過分意氣風發嘅言行影響。唔信?那就拭目以待吧!
我都係對於自己簽名嘅原本動機,是反佔中只是不想見到金紫荊經濟受到無謂衝擊。
回覆刪除對呀、紫荊城太平是所有人的願望。
刪除趕擦鞋交心,幫倒忙都唔知,重沾沾自喜,衙門高官的質素,可見一斑!我早已說過,倡議佔中同反佔中兩大陣形,都係無個好人!
回覆刪除殖民地官爺之所以所向無敵、就係佢哋懂得乜嘢叫做留三分餘地。
刪除點解要咁高調話去簽名,尤其是而家已經一面倒,做到佢個位仲話去做D咁既野?食住上話聽民意啦!唉!
回覆刪除呢單嘢確係有啲古怪....
刪除其實以前港英政府施政來來去都個個幾招,點解而家卻無運行,相信咪係蛋糕做大了,但分享的人就得咁多,只要俾多些著數(少少也會很開心),再全面谷行宣傳,然後來一次預選,這樣到時更不止八十萬,甚至連海外的都會簽番一份......要知道那班財伐,算給幾多都不會滿足,反正香港差不多已淪落到二流嘅城市,政府各級高官收一半人工都有多,唔願意做也有大把人上,撥亂反正的從低做起,再一次從新出發罷.....香港!
回覆刪除寫漏了:
刪除只要俾多些著數給中、低下階層(少少也會很開心)。
最近有報告指出、紫荊城在全國具競爭力的城市排多持續下跌、今年又再跌一及、降到第六位。可惜還是有人買板唔知埞而矣!
刪除相信許多人簽名反佔是不想香港受到衝擊,令經濟受損影響民生!
回覆刪除在下也有同感。
刪除域兄午安,
回覆刪除頭大果然滿腦草
不當時候出嚟嘈
成事不足敗有餘
正一好柴燒爛灶
以為與民站一線
刪除誰知街坊打冷顫
今回好做而不做
遲早搞到失預算
我忙左好幾天冇上網啊⊹•・゚☀早晨+黃昏好☁。゚
回覆刪除哈哈哈⊹•♦°♬¤話咁快。又是快樂星期二
・゚•♦。.¤每一處都有歡笑聲就好喇
哈囉、午安呀!
刪除