2014年7月24日星期四

反戰中登場



戰中遇上反戰中
你拔箭時我扳弓
一旦紫荊逢浩劫
它朝崛起再無從

繼逼宮大聯盟所搞嘅戰中公投之後、最近保主陣營嘅白頭兜豎起一枚名為反戰中嘅旗幟、並揚言希望能收集到八十萬個簽名。呢嗱、這邊廂白頭兜搞嘅連鎖式攤檔剛剛開張不夠幾日、另一邊廂又有傳媒踢爆生果檔老闆瘦身黎向盟主派派發蛇果現金券、並指其頭馬(曾在花旗水帥衙門情報組工作、目前是共河黨派駐紫荊城頭領)麥細蚊有份參與其中。假如報導屬實的話、這場戰中與反戰中之戰就唔係紫荊人家裡事咁簡單矣!

放眼江湖、無論是盟主派抑或是保主派、總是把「愛閣、愛擋」、「真譜損、戰中」、「篩損、反戰中」混為一談。換言之「愛閣」即係「愛擋」。支持「真普損」即係支持「戰中」。支持「反戰中」即係反對「真普損」。喂喂、咁係唔行通架!因為不支持「戰中」並不等同反對「真普損」、支持「公聞啼鳴」並不等同「翻盅亂講」吖嘛!相信這類綑綁式做法大概是要製造一個非友即敵嘅大氣候、旨在迫人歸邊而矣!然而又真係有人自己樁個頭埋去。講起嚟、紫荊人都算不幸矣!當你滿以為可以選個心儀嘅人物出來代表自己嘅時候、結果人家只睇金主面口行事。若然你冒犯盟主派、人家就將你打成「共九」。若然你開罪保主派、人家便扣你一頂「反盅亂講」的帽子。假如你保持中立、人家必將你視之為牆頭草。總言之你唔滿意嘅話、可以永遠保持沉默、但絕對冇容許你表達第三類意見嘅空間就是。

瘦身黎日前公開承認、曾經向盟主派人士派發現金券、並否認與花旗有關。但江湖盛傳、雖然同屬盟主派、但人氣不足兼利用價值低者不獲發現金券、之但係名氣大嘅人、即使冇公職在身亦同樣獲發現金券、甚致連榕樹頭講古二老陳四姑和賣田李都有份。由其是陳四姑居然先後獲發三百五十萬兩現金券、而賣田李亦一次過獲發三十萬両、難怪他倆寧受千夫所指、依然要攜手飛往歐美探親、原來係水頭充足。射蚊連老大短毛哥亦唔執輸、他前後收取到價值合共一百萬両現金券、然而同屬激進派嘅拳頭幫想食金山蘋果就要自己掏腰包去買。咁就可以解釋何以拳頭幫鍥而不捨的狙擊瘦身黎嘅摯愛白鴨黨、而射蚊連最後還是改變初衷咯!

今次盟主派遭人揭面紗、據講只屬序幕、好戲尚在後頭。大家不妨拭目以待吧!請呀!

18 則留言:

  1. 你揭我時,我又揭你 …… 好戲連場,不容錯過!

    回覆刪除
  2. 瘦身黎話同花旗冇關喎,唔知有幾多人信呢?

    回覆刪除
    回覆
    1. 追求自由晚上好,
      最少都有我信佢 -------- 講大話,

      刪除
    2. 這個問題嘛....大家心照就是。

      刪除
  3. 域兄晚上好,
    我簽名反佔鍾唔等同支持亞爺,只不過對某些人極為不滿,佢口口聲聲話代表香港市民,但佢冇問過我同唔同意喎,佢之前嘅佔鍾公投,所有投票嘅都當為表示支持,咁唔支持嘅又有幾多呢?

    政治向來甚污穢
    有利可圖圍威喂
    是非黑白竟不分
    真理良心作狗肺

    回覆刪除
    回覆
    1. 兩大陣營張聲勢
      皆因唔驚食貴米
      死纏爛打無意義
      若能傾偈冇閉翳

      刪除
  4. 域Sir,原來二位老人家收咗肥佬黎幾百萬咁多花紅,正是受人錢財,替人消災,所以要遠去番邦搖尾乞憐。

    回覆刪除
    回覆
    1. 由此可證明呢個世界冇人會白白送銀兩給別人使吖嘛!

      刪除
  5. 總而言之,喺香城嘅正反兩派都無個好人。有人話做香城人,依家唯一可以做嘅,就係自求多福 ,我又無咁嘅感覺喎!反而我覺得做巴勒斯坦人,或者烏黑蘭人就真係要自求多福喇!

    回覆刪除
    回覆
    1. 皆因香江暫時尚未夠「歌里」跟巴辣斯坦和烏黑難兩個相提並論吖嘛!

      刪除
  6. 域哥哥:開了blog個多月還未習慣,有些眼花撩亂。

    回覆刪除
  7. 弓阿姐、以下條 ling 是 「Peter Yau」教人點樣開 blog、我想會幫到妳架!請試試啦!

    http://ckyyau.blogspot.hk/2013/09/blog-post.html

    回覆刪除
  8. 歡迎弓阿姐回歸網海!曉儀,很想念妳的詩呀!有妳在,今勻人地嘅域哥哥會有很多話為了。

    回覆刪除
  9. 一件沒有發生既事情,大家都在紙上談兵!這個世界是靠實力的,沒有實力,沒有最終結解決的力量 - 軍力,甚麼佔領都是空談的。所以啥霖預計甚麼都不會發生,因為香港人都是得把口。

    回覆刪除