東邊風來西邊渡
偉大工程憑你造
人人博命我抽水
適時發難有前途
昨夜睡夢正甜之際、忽然被電話鈴聲吵醒、並在矇矇矓矓之中隱約聽聞話筒傳來甚麼光復旺區之後、就輪到為重煲廿三味製造條件。不過當我在早上醒來之後、才猛然記起、印象中的那位與話筒聲線相似嘅友人是專門演大反派角色的、唔應該會講啲咁嘢嘅。我懷疑只是聲有相似調有相同、而且係有人打錯電話。可惜我家嘅電話係搞撥式嘅古董級產物、否則只要翻查一下紀錄定能查出真相。自從上次巡捕房成功光復旺區之後、激進派人馬以傳音入密方式號召各路英雄到該區打巷戰、目的是要鎖定巡捕房嘅注意力、好讓金區人馬擁有足夠空間部署下一波行動。據說大教頭將會由復出、並帶領眾門生進行無限期罷吃、企圖在國際社會上製造更大回響。注於屬真屬假、就要睇過至知喇!