血的教訓

無怨亦無仇

說話講過頭

你罵我失職

我跟你倒流

江湖盛傳、上周末在大煲區公路發生大巴失事（死十九人、傷六十三人）嘅原因可能是司機火遮眼所至。傳聞指有乘客在事後透露、由於司機遲到延誤大巴開出時間而被乘客責罵、以致情緒受到衝擊而火遮眼、結果在高速行駛之下導致失事。

嗱、以上雖然係未經考證嘅傳聞嚟、但值得注意嘅係、任何人遭受責罵時情緒都會起變化。開講都有話「你找我晦氣、我跟你倒氣」吖嘛！因此乘客跟司機爆發口角實在是不智的。但無論點講都好、身為職業司機理應曉得點樣去管控好自己的情緒、由其是在情緒激動嘅時候決不可免強開車。因為司機比任何人都清楚、當車輛在馬路上行走嘅時候、整車人嘅生命安全都託付在他/她的身上。司機遲到是甚麼原因乘客根本上係唔知到嘅、如果乘客對此感到不滿、大可以向顧用他的機構作出投訴、而唔係真接責罵司機的。假如呢單畸屎真的如傳聞所指、有人跟車長吵架而令到司機火紅火綠嘅話、司機本人當然難辭其咎、但乘客亦脫不了關係的。今次嘅教訓、不是太大嗎？！