牛笑雞的啟示

講講又講講

無非口糠糠

人人有得賴

個個覺得爽

講馬煙酒會副會長牛笑雞話、如果大教館無辦法清除壁布板上造反標語嘅話、唔排除縣府會出手干預、甚至連上大人都可能會介入、到時大門生嘅自主權就會被削弱喎！嘩、牛笑雞咁講法、聽起嚟都咪話火藥味唔夠濃烈。以佢嘅身份嚟講、絕對唔會係吹水、反而係傳遞出一種“上大人對大教館縱容門生在校園宣傳講獨已經失去耐性”嘅強烈訊息。但在下始終唔相信上大人會為啲咁嘅碎料親自出手、而係覺得縣府揸拂人必會受到壓力。如果係真嘅話、揸拂人就會班救兵來出手撳一撳班友仔架嘞。大家放長眼睇啦！

暑假後開學首日、全城大教館門生會史無前例的一齊為講獨叫囂。嗱、大家不必着眼於呢單嘢究竟係有咁啱得咁橋、抑或係有人預早嘅安排。須要了解嘅就係、究竟門生會有乜嘢咁把炮、連館長下令拆除講獨橫額都可以當透明？係咪所有門生都支持講獨、以致連館長都冇佢哋符？嗱、有人話係、亦有人話唔係。但唔緊要、只要請看看以下由傳媒公開嘅數字、就會窺探出一點端倪來！夥計大教館門生會：臨時會長一名；臨時秘書一名；會員兩名。李公大教館：目前只有一個臨時委員會。舂民大教館大：支持度11.5%。怎會大教館：支持度8.9%。齋講大教館：支持度15.3%。醒獅大教館：支持度11.5%。靚男大教館：支持度不足20%。從數字中可見、門生會獲得嘅支持道最高不超過20%。更令人費解就係、近九成大學生都不是門生會會員。咁、你話啦、呢類小數人嘅組織究竟那裡來代表性？難怪兩耳婆個仔都話、佢學嘢嗰間教館嘅門生會炒埋唔夠一碟、係冇代表性架啦！照咁睇嚟、外間流傳“門生會被政棍騎劫、嚇跑非黃思門生、繼而掛羊頭賣狗肉在校園肆意播獨”睇嚟並唔係吹水喎！咁就難怪嗰班館長唔敢去招惹門生會、而縣府又唔敢採取行動去追究宣傳講獨嘅門生會負責人啦！原來佢哋怕嘅並非門生會、而後其背後嘅勢力。