紫荊城是潮州魚蛋？

潮州打魚蛋

唔打點會盞

昨日受恭維

今天變爛橙

想當年、成蟲說了一句天朝人是須要有人管之後、就被城中街坊（包括在下）插到佢眼到花埋。之但係、到咗今時今日回頭一望、驚覺成蟲原來是一個非常之有遠見的人。因為本城近年的亂像已經證明人的確是須要有人管、而且必須要認真的去管、否則那句所謂「不守法律並不等如不尊重法律」嘅屁話繼續發揚光大就不得了。有見及此、德叔在洗塵宴上指出、人雖大也絕不能大於法、並喝令拉審部門必須依法辦事不得怠慢。就是經德叔這麼樣一喝、那宗轟動全城的尊貴涉嫌私吞獻金事件裡面、其中一名涉嫌人物常無便被擺上法堂。姑勿論當事人是何許人物、但有法就應依法去處理、事件擔誤得太久、唔止人損毀高懸明鏡個指牌、更無法掩得住社會上悠悠眾口的。

其實並不是所有類似案件都處理得蟻躪咁慢嘅。例如當年檢控情債南、勿提缸、𡁷趁軟等有公職在身人士、都辦得相當有效律。之但係、唔知點解每當查辦起泛㒼尊貴人士嘅案件時、總是立立黐黐般的、一拖就是幾年依然無聲無氣。其實、姑勿論有罪抑或無罪都好、也應該盡快處理至係嘅。畢竟涉案人士都是有公職在身、理應盡快向大眾交代。近年被罵到狗血淋頭嘅衙門非開封府莫屬。因為輿論批評呢個衙門揼波鐘。由其是辦理那些備受關注嘅個案、譬如起訴燈暗黔就被指揼長來做。注於被踢爆涉嫌私袋獻金嘅數名涉嫌尊貴之中、至今只有常無一人被提堂、而其他人就銷聲匿蹟毫無交代。但問題係、開封府是否真的揼波鐘、抑或係別有內情則無人理會、總之所有矛頭都是指向呢個衙門。其實想睇真啲並不難、只要細心回味一下德叔在洗塵宴上嘅講話、自然會獲得點點端倪矣！