2016年6月13日星期一

痴人夢未醒



痴心妄想做英人
結果搞到冇靈魂
咪話親家無義氣
不同血脈未為親

近日英佬那邊有一名當地龍裔女子向本城持有(英佬括弧海外護照)人士呼籲、從速登記成為投票決定英佬是否“脫勾”嘅選民。點知佢話口未完、英佬發言人馬上飛撲出來推倒其言論。英佬話、只有在彼邦土生仔才有資格投票、身在英佬圈外圍、而無在彼邦長期居住假英佬一律冇資格參與。不過又真係有唔少假英佬以為自己係真英佬、否則都唔會跑到英佬那邊要求重啟“男驚條約”啦!係嘛?!由於英佬在平時表現得很關心城中嘅假英佬、由其是當佢哋跟阿爺扎馬嘅時候為甚、才令到一班懵仔高舉支過氣英佬旗認親認威、但原來在英佬心目中、呢班友仔乜都唔係、呢鋪都可謂面懵矣!

想當年、英佬全盛時期號稱七海霸王、地球上到處都有佢嘅殖民地。但在時移勢易之下、這個盛極而衰嘅日不落帝國亦只能屈居於花佬之下求存。更不堪嘅就係、那位尊貴嘅事頭婆居然要親自跑出來、接待阿爺這位粗魯無禮嘅有闊客、都可謂悲過悲秋風咯!成班歐佬一方面挖盡心思討阿爺嘅銀両、而令一方面又盡其造大花佬與阿爺對抗之能事、如果呢兩個人真係大打出手就合晒河車。因為就算花佬能打贏、亦會因傷重而從世界霸主嘅寶座摔下來、到時歐佬便能重掌世界主導權。但問題係、已經嘗透外族欺凌嘅阿爺、仲會唔會眼光光睇住歐佬這個如意算盤越打越響而無動於衷?回頭看阿爺今日玩緊嘅“銀両換時間”遊戲、實在玩得相當到家。他憑藉一條腰帶思路、一家丫頭行、一條速龍、就能夠西穩住勾盟、南穩住冬盟、搞到花佬老鼠拉龜咁款。所以花佬除咗暴跳如雷之外、只能對住阿爺咬牙切齒、但又冇晒符。咁咪惟有在阿爺家門口一帶玩爛嘜囉!近日不自量力嘅假歐佬(架仔)居然對南海局勢指手劃腳、結果阿爺只係約埋俄佬一起、派幾條戰船在東海釣魚臺水域釣魚四粒鐘、將熟睡中安屁晉三嚇到屎滾尿臨、並驚青到登時打電話向契大佬奧黑馬請示。由此可見阿爺並唔係表面上咁好恰架!


15 則留言:

  1. 美國玩合縱,而中國對之就是連橫。
    至於歐盟就像三國時代的軍伐,為利益相信遲早一定會逐一被瓦解……

    回覆刪除
    回覆
    1. 呢個世界就係咁現實、所謂利則合、不利則散吖嘛!

      刪除
  2. 日前新聞報導法國有球迷衝突,英格蘭球迷被俄羅斯球迷打到一仆一碌,原來俄羅斯人好多都習過武術,係一個好勇鬥狠嘅民族。咁啱得到中國邀請往釣魚台把臂同遊 ,梗係要向日本仔搔吓QUALI,順帶向花旗顯示實力!

    回覆刪除
    回覆
    1. 對呀、俄佬的確係戰鬥民族嚟架!但阿爺與柔道京亦只屬互相利用而矣!

      刪除
    2. 呢個世界無永遠朋友,亦無永遠敵人!阿爺同普京都知依家走埋一齊,只不過係相互利用嘅啫!

      刪除
  3. 阿爺並唔單只係表面上咁好恰架!
    欺內懼外才是實情 !!

    回覆刪除
  4. 身為中華兒女,總想祖家不衰!

    回覆刪除
  5. 事頭婆親自跑出來接待阿爺,轉身又話這位闊客粗魯無禮喎,一的都不尊貴!

    回覆刪除
    回覆
    1. 日下落都落咗啦、所以高貴不再、嘮囌就多咗囉!

      刪除
  6. 域大哥晚安,紅來賞曲拜讀好文章。

    回覆刪除