新豬鬥舊狼

同門不同道

固然爭莊做

搭上順風車

發圍兼起步

呢個世界真係無其不有、區區一個被遣忘了的手提包唔止牽起一場飛雞場抗議事件、而且被反對派利用來打壓阿狼、更令人出乎預料嘅就係演變成為另一場豬狼鬥一番。講馬廠智囊沙摟豬日前公開承認、今次重出江湖嘅目的就是要拉阿狼落馬、理由就係現在已經到咗不變不行嘅地步。嗱、沙摟豬口中嘅不變不行所指何物、怒在下估唔到。但係在三年前那趟豬狼鬥、亦係跟兩廠有關的。當時過氣講馬廠主持人尿龜忽然回廠、一腳伸開接班主持人江瓦王、然後由自己赤膊上陣指揮滅狼行動、迫得阿狼立即跑去向西廠求救。結果由京都南下嘅大姐大榴蓮冬在冧鎮使出一招隔山打牛將屎龜制住、並成就阿狼登上揸拂人寶座。

據說、當時有紅褲仔向投家勸說、先順應阿爺嘅意思讓阿狼玩一屆、然後再想辨法搣甩佢都未遲。呢個坊間傳聞係堅係流、怒在下不敢莽斷、但係投家透過講馬廠邀請沙摟豬出山狙擊阿狼嘅傳聞早就在圈中不脛而走。換言之、今次又係講馬廠鬥西廠嘅翻版。沙摟豬指責阿狼服務阿爺多過服務街坊、跟上次豬狼鬥期間嘅一名紅底老大姐出面指阿狼係紅底無間道嘅招數其實同出一轍。不過千祈咪以為舊橋冇料到呀、上次捹捹豬就係憑呢一招搞到阿狼冇啖好食。沙摟豬之所以如斯大膽、係因為背後勢力大到你唔信嘅囉！吓、係邊枝旗嘅人馬咁把炮？當然唔係當屆嘅第五代阿爺支旗、亦非上屆嘅第四代阿爺支旗、而係再前一屆嘅第三代阿爺嗰支旗。眾所周知、上次豬狼鬥就係三代阿爺旗下人馬與五代爺爺旗下人馬嘅一場大決鬥。但問題係、點解今次成班投家粒聲都冇、只係由沙摟豬單拖去做這齣獨腳戲呢？其實理由好簡單、因為五代阿爺出手一向都唔係人咁品、無幾人敢去捋其虎鬚。幸好沙摟豬已經係一個關門隱士、況且今次賭嘅亦只係白頭片、根本冇嘢可輸吖嘛！正係呢個原因、今次一眾投家才會邀請沙摟豬出山、並趕在大哥大講得張到步之前、上演呢套新豬狼鬥一番、好讓他知到全城投家都唔妥阿狼、然後再看看有冇轉灣嘅餘地咁囉！