你玩我又玩
神仙都撞板
明知有今日
當初何作繭
日前城中一群社團界大佬跟隨西廠總管梟明北上冧鎮搵財路、其間中環創傷會大佬捹旗陳隔河向飯盟尊貴呼籲勿再拿阿嫲條扎腳布出來玩、應該放下爭拗和支持設立創新歌伎局喎！唔知捹旗大哥係唔係諗住噏幾句、就能夠令班玩嘢派尊貴回心轉意呢？如果係咁容易嘅話、紫荊城就唔使搞到成個火爐咁款啦！係冇？記否當初係邊個帶頭令到社會撕裂架？假如那群既得利益者唔係要大小通吃盡嘅話、那個可以幫助蟻民安身嘅「八問五」計畫又點會被搞垮？如果唔係有人得上床就要霸埋人家張被來冚嘅話，點會爆發豬狼鬥？如果冇豬狼鬥、社會又點會分裂到呢個田地？若然社會冇分裂、戰中三老又點會有機可乘攞把爛遮出來亂咁舞？
呢嗱、佛家有云、凡事皆有因果吖嘛！打從表面睇、城中互片嘅兩股勢力係由飯盟與亂制兩路人馬所組成、而且飯盟嘅頭領二馬基亦曾經言之鑿鑿的講過、真正在城中過招嘅人其實就係阿爺和山姆大叔。從花旗對華政策越來越凶看來、無須二馬基講都可以想睇得出山姆大叔正在用盡一切手段去阻止天朝進步。江湖上所謂「花旗透過非政府組織暗中資助城中反對派搞對抗」嘅傳聞、並非無的放矢。雖則話山姆大叔透過代理人皮佬禮向打傘集團泵水四千萬両、但曾經有報導指出、有專業團體估算過用於打傘行動嘅物料總值超過二億両、甚至有說是四億両之多。換言之、扣除咗四千萬両外援之外、剩下來嘅大筆銀両就是來路不明。注於是啥人會如此大手筆、那就只有天曉得。但在下卻相信阿爺一定知。因為在世界上唔係只有C挨A才懂得收科嘅。再講啦、政治被譽為世界上最污穢嘅玩意、當然唔係單憑表面就可以看得通透、所謂知人口面不知心吖嘛！既然亂制派內部嘅利益之爭連阿爺都無法擺平、試問捹旗大哥又憑啥認為人家飯盟會聽佢枝笛呢、吓？
講開八萬五，當時曾有傳言，說所有高級別官員全力配合，就是知道一定唔掂會失敗收場，所以要看老董怎收科？
回覆刪除其實這都是那些利益既得者所推出的陰謀詭計，所以講係無用嘅，想做嘢就一定一把大刀和一扎蘿蔔！
老董當年盲舂舂上任、身邊鬼多過人、想唔賴嘢都幾難啦！我睇阿爺只有越來越硬、總之越係對抗、越冇啖好食架喇！
刪除毛賊與蔣匪 左右都卑鄙
回覆刪除西岸行帝制 東岸靠老美
卑鄙不卑鄙
刪除無非係捉棋
莫要喊不平
行街食幾味
黑社會都有愛國的，嘿嘿嘿……
回覆刪除這個社會本來就係黑白難分....
刪除紫荊城係個實驗場地，花旗係度施放各種陰招，天朝就只是見招拆招，雖然節節敗退，不過就見盡各種花招的效果，防範內地出大問題，大不了是香城自毀，棄車保帥。至於留下的紫荊人，也只是世界輪流轉……。
回覆刪除對呀、紫荊城打嘅實戰、對久疏戰陣嘅阿爺有啟發作用的。
刪除好友♦･ﾟ☼早晨&午安*☁`☀快樂星期四
回覆刪除神風妳好。午安呀！
刪除奧黑馬喺背後策畫及經濟支持，呢個消息睇怕唔會假得去邊。不過，普京最近幫拖巴沙爾，間接令到黑仔馬唔能夠全情投入喺亞州嘅部署！
回覆刪除奧黑馬把口講得硬、但做起來未必有咁硬。我睇佢現在做嘅嘢、簡直係整個氹畀下家莊踩嘅囉！
刪除