當差還是花旗好

同人唔同命

點到你唔認

紫警眼矎矎

花差殺得勁

我哋紫荊人有句老話叫作「同人唔同命」原來係啱嘅。就拿紫荊捕快跟花旗捕快來比一下就知到冇花冇假。最近花旗發生一宗62輛警車追捕一部房車嘅個案。其間捕快狂轟137槍、以致兩名黑人青年死於亂槍之下、但鵝害鵝洲大法官判時指出、無足夠證據證明兩名捕快開槍行為導致兩名黑人死亡、於是判兩名捕快無罪釋放。正如上面所講、兩名黑人是死在亂槍掃射之下、根本很難證實誰開的槍導致他們死亡的。

呢嗱、假如呢單畸屎在紫荊城發生的話、呢班捕快肯定被控以集體謀殺啦！皆因我哋紫荊人並唔係人咁品、莫講話捕快開槍咁大件事、即使掟一百幾十粒摧淚彈都機乎搞到自己流足一殼眼淚。試問咱家紫荊人那裡會有咁大方、明知到是一群捕快嘅所為、而容許班友仔抽生死簽是是旦旦擺兩個捕快上台祭旗算數？正如在「一戰」其間、有一名涉嫌向捕快「施肥」人士、在被捕後涉嫌被人誤作「沙包」來練拳、於是唔理有冇練拳、總之七名有份在場嘅捕快全部落鑊。雖然巡捕房被指涉嫌將件事拖慢嚟做、但集體起訴大概是免不了的事。

其實花旗年中不知有幾多類似過案發生、之不過絕大部涉案嘅捕快都能夠成功脫罪。所以話啫、要當捕快還是當花旗的好、不過講緊嘅只係「白警」而唔係「黑警」抑或其他「色警」呀！知冇？