大俠也抽水

阿姐被人煩到嘔

黑仔除即伸義手

今日反盟捹鐵血

各行各路了恩仇

近來反盟“就無證仔三非懷小朋友獲得「車流拳」及「上鶴拳」一事”群起指責鐵血幫無理生事、大有當天下英雄面前與該幫割蓆之勢。事緣日前人稱「倦派票后」嘅公園會大家姐阮嫻出手幫助三非懷小朋友取得「車流拳」和「上鶴拳」嘅拳譜、並惹來鐵血幫不滿、以及糾眾在其街坊聯絡處門外不斷叫囂。正當阮嫻孤軍應戰之際、想不到出來幫手解圍嘅竟然係人稱「反盟票王」嘅白鴨幫長老黑仔桃。他喝令鐵血幫停止以涉嫌含有恐嚇成份在內嘅手段妨礙阮嫻見街坊。有街坊話、公園會跟白鴨幫是對手而非盟友、今次黑仔桃出手替阮嫻解圍實屬罕見、並稱讚黑仔桃是值得令人尊敬嘅大俠。

呢嗱、也許黑仔桃義助政治對手阮嫻真的出於江湖義氣、但更多的是反盟趁此機會與鐵血幫劃清界線。因為鐵血幫一直都被街坊視為反盟陣中嘅激進分子、而反盟則有如啞仔食黃蓮、有苦自己知。由於血鐵幫嘅行動激進引致眾多街坊不滿、對反盟來說兩者扯在一起簡直是個負累、可惜一直以來對這路激進人馬總是欲搣不能。既然今次有咁好嘅宣傳機會、當然要趁勢讓街坊睇個明白。如此一來、可以向街坊表明鐵血幫並不是反盟戰友、他們所做的一切皆與反盟無關。其次、可以向街坊展示、反盟路見不平必出手嘅英雄氣慨吖嘛！更重要的就可以確保在將來所有行動之中、反盟嘅聲譽再不會受到某方激進行動所拖累吖嘛！明未？