2014年9月30日星期二

我就笑唔出



紫改仍是大棋局
行錯半步一鑊熟
須知政治無真相
不謀退路必遭伏

在剛過去嘅週末晚、縣府滿以為來一招快刀斬亂麻、先投催淚彈、後再現槍支就可以把那群手無寸鐵嘅書呆子嚇跑。誰知弄巧成拙、激發起更多人出來支持學生、除了金鐘區之外、下環區、銅鑼區和旺區等地變成示威戰場、而且巡捕房嘅驅散手法亦受到千夫所指、今因縣府都可謂賠了夫人又折兵矣!呢嗱、戰中三英見大好形勢則重在他們的一方、當然喜不自禁。翌日戴教頭更帶着滿臉喜悅公布戰中運動遍地開花、並宣稱第二階段行動快將開始。不過、亦正是因為遍地開花這四個字、才令在下笑唔出。

記得朝廷上下兩院都有代表公開透露、朝廷早就將紫荊改革與國家安全串連在一起。換言之、紫改絕對無討價還價嘅餘地、而朝廷已經將戰中定位為翻盅亂講嘅活動、與南天門六十四號事件最初嘅定位是在同一水平之上。但係、今次最詭異的就是巡捕房忽然之間像煞車般的停止作有動作。究竟內裡發生了甚麼事、外界不得而知、總之絕不會向示威者示弱就是。假如有人相信集眾之力就可以迫使朝廷就範嘅話、等同認為阿爺當自己講過嘅話是個屁、那實在太危險了!在下十分擔心、目前情況只屬暴風雨前夕嘅片刻寧靜而矣!

無論各位街坊相信與否都好、縣首在這盤大棋局之中只不過是一枚棋子、即使朝廷放棄他、亦只不過是緩兵之計、當大局穩定下來必然會採取一切手段打擊潛在威脅、以絕後患。但以目前形勢而言、在下實在看不出朝廷會無視國家安全而答應先放棄縣首、然後再重新啟動紫荊改革嘅要求。假如示威者真的如他們自己所講、是有前冇後嘅話、恐怕下次弄巧成掘的人將會是他們。

20 則留言:

  1. 內鬥內爭,是中國幾千年來的把戲。爭權爭利,從無止息。

    回覆刪除


  2. 當黃之峰忽然煽動人民衝入公民廣場,整個局面便開始亂了。
    然而,所有市民卻一面倒的辱罵警方不應該阻止學生,
    又指警方動用武力,向手無寸鐵的學生攻擊。
    學生並非手無寸鐵,他們手上的傘就是最好用的武器,
    有警察甚至遭雨傘攻擊至擁有10cm長的傷口。
    亂是必行了.........

    回覆刪除
    回覆
    1. Stella 晚上好,
      在下覺得,衝擊警方的大多數並非學生,

      刪除
    2. 【焦點一分鐘】9‧28暴力衝擊 事件的真相
      https://www.facebook.com/video.php?v=383675048447247

      刪除
    3. 現在環境係各據山頭、各自為政、更加係鬼打鬼添!嗚呼!

      刪除
  3. 反對派怎會沒有人動武? 學生內也有小流民,更有混水摸魚乘幾搏亂者,然而警方進行執法郤被人臭罵,這還須要法治嗎? 所謂的民主,就是大晒!?

    回覆刪除
    回覆
    1. 小愚 晚上好,
      非常同意,

      刪除
    2. 正反雙方各有暗卡、大家都係半斤八兩而矣!

      刪除
  4. 冰封三呎,非一日之寒!這次示威,包括很多因素,政改只是導火線!平日對自由行不滿,樓價太高等等怨氣,一併爆發出來吧!誠哥及董先生在港有很多投資,相信北京不會太過強硬,而學生這種靜坐方式,令到警方真的束手無策!如果要拉的,不是三兩千,而是上萬計的示威人士,那有地方安置及警力應付!

    回覆刪除
    回覆
    1. 從前英國佬雖然冇畀香港人政治權利、但總算肯改善人們居住環境、開拓公業增加職位。但今日點呢?政治權利似有似無、人人為居住而發愁、為前途而心淡。想平靜一啲都唔難、只要政府高抬貴手、唔好再益晒一邊、替基層大眾搞解決居住問題就已經會少好多麻煩加喇!

      刪除
  5. 到現在為止,相信一切都盡在佔中黑手策劃、部署和計算之中!
    書院幫頭領之配合和勇猛,正中黑手下懷!可能他是早已有後路而無憂的,有前無後的只是那些被騙出來的。
    相信佔中三傻好快便會冇運行喇。

    回覆刪除
    回覆
    1. 看來、今次事態發展大概出乎那集黑手嘅預料、冇運行嘅將會是所有人矣!

      刪除
  6. 在網上看到 黃毓X 在開会時說 叫D 打手 , 寫手 在網上寫多 D , 撥多 D 火 , 等 D 懵仔女出多 D 嚟搞旺些場面 , 点解 報紙 , 電視 吾揭視出嚟 ? 点解 d 人 看到的 , 還甘願做馬前卒? 心痛極了 .........

    回覆刪除
    回覆
    1. 黃教頭一向噏得就噏、不過今次被佢講中晒喇!

      刪除
  7. 域兄晚上好,
    睇形勢叫停佔中都有點難度,開始只是要求真普選,一人一票而矣,現在更要求特首落台,遲 d 會唔會要求結束一党尊政呢?

    佔中已變質
    還將馬路塞
    學生被騎劫
    其實好委屈

    回覆刪除
    回覆
    1. 域 sir, 華兄,各位。
      前天從馬交回來,所有從港澳碼頭開出的巴士都暫停,我要改道搭過海的士經西隧回大埔,要花費更多金錢和時間,尋日上午網友十二月兄請我飲茶,在此順便講一聲多謝,下午到港島探友,飲食和購物都帶來極度不方便,如此攪法愈攪愈差,更怕爛鬼混入,乘機趁火打劫,到時差佬師出有名,暴力清場,最大輸家會是香港人,共產黨從來不會讓步妥協的,若果班友叫下囗號,阻塞幾條街共產黨就譲步,梁振英受壓力辭職,請問共産黨如何面對西藏新疆?如何管治十幾個億的人?

      刪除
    2. 華娃兄、Wai 兄、大家好!今次戰中三老都可謂人頭豬腦、忽然間提早戰中、以為一聲號令天下齊鳴!但勢想唔到原來佢哋抽學生水之際、別人就來抽佢哋嘅水、所以咪搞到山頭各據、誰也領導不了誰、簡直係烏合之眾。想唔輸都難啦!係嘛!

      三老玩飄忽
      徒勞又氣咳
      騎在虎背上
      遲是聽執骨



      刪除
  8. 照我睇雙方都想看誰個行差踏錯先, 所以就只有等, 等下等下, 睇下邊個忍唔住?
    到時若有人來搞亂檔, 相信一旦宣洩起來那便會好大劑.....

    回覆刪除
    回覆
    1. 看來今鋪都唔使等喇!戰中衰硬架喇!只欠一場大流血尚未上演而矣!

      刪除