多點關心 少點麻煩

大炮乃無煙

何必兩相煎

滿城風雨聚

盡在世間錢

近日江湖上盛傳、政黨、學生、民運組織勾結山姆大叔、並與其特派員開秘會議、企圖煽動民眾仇官、仇富、翻盅亂講。但亦有消息指這些是兩陣對壘必然現象、信與不信任憑君意好了！俗語有講、家和萬事興、家衰口不停。看來咱家紫荊城也好不到那裡去矣！

翻盅亂講呢家嘢是否如傳聞所指、是反由對派鼓動咁簡單、則見仁見智。之但係江湖上一直有意見指、蟻民之所以仇官和仇富、是先由官家造成、只不過是被反對派食住上而矣！所謂不患寡而患不均吖嘛、紫荊城搞到怨氣沖天、無非是資源分配出現一面倒嘅嚴重情況。唔信？那請看看部份街坊嘅睇法啦！

第一位縣首登場之初、便將花旗大型電子廠家拒諸於門外、加上帶頭率領本地工業家北上發展、結果令不少人指他只懂建華不懂建港。最大鑊就係往後的每任縣首都驚死被人話唔夠愛國、每當上任之初都循例照樣做一次。就係咁樣搞幾搞、基層打工仔向上流嘅機會就咁被搞走咗喇！

第二位縣首一登場便即極為樓市造勢、首先停建居屋和拒絕加速興建公屋、結果地產商發達了、蟻民糟透了！其次就是無視公共醫療服務質素受嚴重損害、而向內地孕婦招手與本地孕婦爭床位和爭產房、還留低一筆『雙非』蘇州屎畀紫荊人嘆、結果又是樂透生意人、苦透小蟻民。最後又以發展旅遊業為名、坐視水貨客搶高城中物價、以致商家受惠、蟻民閉翳。

第三位縣首開出多張舒緩民怨嘅期票、但此終未能兌現。由其是私樓價格不降反升、公家樓宅供應未見其增、先見其縮。雙非兒數字雖然被控制在一個低水平嘅層面、但曾受重創嘅公家醫療服務至今尚未能復元。注於水貨客活動、亦只不過是由地面轉移到地底去繼續經營而矣！

別以為上面所講嘅嘢都係濕濕碎、其實係瀰漫着咱家社會上嘅一股強烈怨氣、只係欲散不能。所謂有競爭才有進步吖嘛、就係咁、『真普損』便成為無助蟻民心目中嘅活命金丹。以其指反對派古惑民心與官家對抗、倒不如好好檢討一下、究竟是誰為反對派製造機會仲好過啦！呢嗱、唔係嚇你呀！假如情況繼續係咁混下去嘅話、相信唔使幾耐、反對派就成為本城最大派系。等着瞧啦！