由唱衰講起

詐傻扮懵起勢衝

立心亡我吹歪風

今天勢亂誰之過

三縱三容禍未窮

呢嗱、那邊廂大影細國（影國）公布、將會派遣新建造嘅航母與亞靚利堅合種國（靚國）和架國一起到呀洲來進行自由橫行、而這邊廂反盟立即配合、並派遣大撞幫嘅戇嬌楊、拳頭幫嘅慢版泉、白鴨幫嘅豬瘋許、自缺嘅豬仔迪等人隨即宣布齊齊跑到影國出席「消失中的罪城、京城以外的思覺」言討會。嗱、淨係聽個名就知到、係洋人搞嘅唱衰大小二圈活動嚟。聽聞話、有人以「一旦小圈失守、就會影響呀洲」以及「大圈打壓破壞小圈經濟發展」為題大肆抹黑龍國和罪城。在下聞得此消息嘅時候、真係唔知好嬲抑或好笑。洋人唱衰龍國和罪城、基本與民主自由係無關嘅、唯一目的就是要在呀洲撈取得更大利益。之但係、無論橫睇抑或掂睇、都睇唔見罪城班政棍有邊一忽唔係出賣街坊嘅。究竟點解影國要以咁高調嘅姿態來宣傳其所謂男海橫行自由呢？

靚國花咗六年多時間在男海跟龍國博奕、結果賠了失人又拆兵、反被龍國食住上在該區水域填島造陸加強軍事防禦力量。加上賓國新老總賭得二上台後全面推翻前老總亞基佬三世嘅反龍政策、倒過來跟龍國重修舊好、而冬盟各國亦跟龍國簽訂好男海行為宣言、使得靚國在呀州變成孤家寡人。喪普見勢色唔對、便試圖將呀洲再橫行任務交給影國和架國、而自己就退到第二銷鏈鞏固對龍國圍堵。靚國嘅如意算盤係利用五國聯防、包括影國、代鼠洲、柳細蘭、大馬、獅城、另外再加埋架國之力將冬男二海貫穿、並擴大橫行範圍。之但係、影國脫勾之後自身難保、架國經濟下滑不止、其它國家又跟龍國有龐大貿易利益、花佬呢招嘢係咪咁靈擎都講唔定。再講吖、影國嘅新航母既無艦載機、亦欠缺足夠嘅帶刀士衛（合適嘅驅逐艦、護衛艦、潛艇、補給艦等）護航、究竟是來演嘢抑或係到來丟假、仲係未知之數。試問咁又點橫行呀？照咁睇嚟、件事一家另有蠱惑嘅。如無估錯嘅話、喪普要將破壞南寒跟龍國貿易關係嘅招數、擴大至影國、袋鼠洲、扭細蘭、大馬、獅城、架國、從而打擊天朝一行一鐵計劃。咁樣做、除咗可以破壞龍國經濟和急速飆升嘅科技發展之外、亦可以摧毀龍的傳人嘅復興大業。當龍國變回三流國家之後、靚國就可以安心矣！