世事何曾是絕對

長期洗腦腦生根

自封前路惹身痕

放開胸懷廣視野

真情體驗勝聽𧥺

呢嗱、世上之事果然是無奇不有。如果我話你知、有個外人跑入你家中、並喊你少管你家中小輩嘅事。唔知你又點睇呢？話說、自從罪惡城大歸之後、有一群異於大多數嘅人物一直堅決拒絕承認自己嘅宗族身份、並且明撐兩制、暗催講獨。正當公堂依法將部份犯下刑事罪行嘅獨派人物判處監禁之際、呀靚利堅合種國（靚國）和大影細國（影國）利用其傳媒喉舌齊齊歪曲事實、大肆唱衰罪惡城六判爺施法不公。這還未算、嗰壇人稱“遷股罪人”嘅過氣洋督肥彭居然跑到本城來噏三噏四、並公開喝令西廠勿管城中事務。嘩、肥彭以為自己仲係督爺都未定喎！𠲖、點解那群經常指責朝廷干涉本城事務嘅棍、今次全都鴉雀無聲？呢班友嘅媚外之心、都可謂超然若揭咯！

講開又講、有個黃思上腦嘅世侄自戰中爆發後、便開始與家人面左左。跟人去瞓街都唔在講、每當他聽到一點兒不利黃思嘅批評、就會激動哋跟家人爭吵。戰中三年過去、在下也未有再碰見到過那位世侄。在日前的一次飲宴上又碰見他、我本來諗住跟他寒喧兩句便借尿遁嘅。殊不知他居然非常熱情的坐到我身旁、仲𠸎我講述他在這兩年多嘅經歷。據說、兩年前他被公司派住大圈工作、而且一度諗過要遲工唔做。那是他有生以來首次進人大圈、而且一做是兩年多。佢話畀我知、經過兩年親身經歷、令佢漸漸愛上咗大圈。首先是、大圈嘅工作環境比罪惡城輕鬚得多、而且同事之間相處並無想象中的格格不相入。其次就是他所見所聞、跟在本城聽到的訊息完全不同。他的上司在首次見面時就告訴他、只要不公開挑戰國家領導權威嘅話、在私底下機乎是冇嘢係唔講得嘅。起初只是半信半疑、但兩年過去證明上司之言正過正菜。他認真的對我說、若不是親眼所見、絕不會相信大圈嘅經濟和民生發展速度是那麼快的。佢話、好彩公司派他入大圈工作、而佢又並冇因此而辭職、否則仍然像死牛一邊頸般的仇宗喎！嗱、坦白講、阿世侄究竟體驗到些甚麼、我實在唔係咁清楚、但佢今次畀我嘅印象是樂觀和積極的。勢想唔到短短兩年時間就可以令一個深黃青年作一百八十度大轉變。在下終於明白、點解反派不斷鼓吹仇視大圈、原來就係怕年輕人親身經歷過之後就不再聽佢哋枝四人笛。