2017年10月21日星期六

扮盲巫


真盲定假盲
志在帶頭掁
若能通任督
理當有運行

曾經有國際調查報告指出、全球最多盲巫嘅地方台島排名第二。吓、唔信?嗱、唔緊要嘅、不如就讓我們看看以下事件先、然後才想一想便有答案架喇!

台島前老二妖獸蓮早前聲稱、紅家會老大在蒙鼓誅日窩基地閱兵乃係對台島文攻武嚇喎!嗱、全世界都認為嗰趟閱兵所晒出嚟嘅武器係針對阿星嘅、基本上與台島沾不上任何關係。若以當時的那批武器而判定係針對台島嘅話、只能證明妖獸蓮是一個毫無軍事常識嘅外行人。橫睇、掂睇、當日在誅日窩量相嘅武器、大部份着重於火箭軍、空軍、電戰部隊、以及各種裝甲部隊和陸軍運兵車、分明是打陸戰嘅準備嚟。然而、攻打台島應該是一場先奪制空權、再以海軍進攻嘅一場戰役、應該以火箭軍、空軍、海軍、空降兵、以及海軍陸戰隊為主的。由此證明、妖獸蓮嘅講話若非盲噏、就係呃人。

紅家會召開嘅「𤆣狗大會」己經傳遞出一個對台島的重要信息、內容係只有承認「久異共識」才能保得住台島繁榮穩定、並且絕不容任何黨派或個人將龍土地分割或獨立。換句話講、如果菜英子硬着要搞島獨嘅話、街坊軍定必踩過界來進行武統。然而、菜英子卻不以為然、依然企硬不承認「久異共識」這回事、大有即管放馬過來之勢。菜英子可能係聽信其國防部長讒言、認定街坊軍冇能力跨過台島海峽向台島開戰都未定、否則係唔會老定成咁嘅。也許有人認為花大叔絕不會坐視街坊軍攻打台島。對的、他不會、但這並不表示花家軍會參戰。依我睇、花大叔只能利用經濟制裁手段、像對沙鵝般的來對付紅家會、絕對唔會跟街坊軍動刀槍的。坦白講、台島在花大叔眼中、其實只係一件可以被利用來敲詐紅家會嘅工具、當這件工具要他付出代價時、花大叔就會絕不猶豫的將之拋棄。這點、台島有識之士早就睇穿晒架喇!然而、只有菜英子認為花大叔是個可以負託終身嘅人。咁就唔怪得連佢嘅霧水大佬安屁進三都話菜英子痴心妄想啦!

16 則留言:

  1. 菜英子是日人後裔,確係無必要戀棧龍家的什麼,又妄想花大叔是個可以付託終身的人,可以幫她聯手。
    就這樣漠視了島上那麼多的龍的傳人,漠視了龍的威力,真係唔知埞了。

    回覆刪除
    回覆
    1. 台島問題打又唔係、唔打又唔係、相信有排搞、那一邊心急都難免見血矣!

      刪除
  2. 好歌連場,竟然還可以見到 Mary Hopkin 的芳容,謝謝博主!

    回覆刪除
    回覆
    1. 時間飛遜、轉眼幾十年、歌者今天已經是祖母級人馬了!

      刪除
    2. 小學時聽的流行曲,真係有幾十年,我們都幾十歲了。

      刪除
  3. 當局者錯判形勢
    身後所謂追隨者
    已靜悄悄地四散東西

    回覆刪除
    回覆
    1. 對的、俗語有講、唔怕人蠢、最怕無知。

      刪除
  4. 政治上,有很多人會有小三想法,就是不願和不想知道自己是小三!

    回覆刪除
    回覆
    1. 這也不出奇、政壇上真是啥人都有!

      刪除
  5. 大部分人都只會聽愛聽的話,拒絕令人不快之言,沉醉於幻想之中。
    古今中外,不知有多少領導人沉迷於花言巧語之中,而把江山斷送。
    黎民百姓就要陪葬。

    回覆刪除
    回覆
    1. 對呀!更可怕就係在高位者刻意愚民嘛!

      刪除
  6. 域Sir,剛剛去完俄羅斯緬甸回來,講真的香港盲毛也不少過台灣,尤其是股市更多。

    回覆刪除
    回覆
    1. Wai兄、久違了!相信今次旅途定必愉快。

      刪除
  7. 我覺得李廋蓮咁講係有政治目的,即大陸做每一件事都係針對台灣,咁先至有反共巿場嘛。

    回覆刪除
    回覆
    1. 對的、政治人物講政治是必然的。但她的言論卻幼稚得驚人。

      刪除