茅廁點燈

以為呃得靚

錯到唔知埞

大眾喊糟糕

終於成詬病

日前、白鴿涂指責揸拂人押後鬆辣招而先提一站兩份、係先政治而後民生。嗱、依我睇、白鴿涂今次被鬼拍後尾枕都未定咯！眾所周知、鬆辣招擺明係益炒家、對民生影響是好是壞已有前車可鑒。然而、一站兩份係一個每日都影響着數以萬計過關人群嘅項目嚟。如果要比較嘅話、鬆辣招跟一站兩份可以用前者蚊髀、而後者牛髀來形容。相信我咁講、唔會有太多人反對嘅、係嘛？！由此可見、罪惡城政棍若非私心太重、就係好反成性、已經去到咗無藥可救嘅地步。實在很難想像出、佢哋連呃飯食嘅伎倆都低劣得咁誇張嘅。正如白姐姐話齋、信佢一成都雙目失明啦！係嘛？！

呢嗱、在政棍眼中、每日方便成千上萬過關街坊嘅一站兩份係政治項目、而放鬆辣招才是民生項目。然而、在街坊眼中一站兩份係大範圍民生項目、而鬆辣招只是樓宇買賣項目。這裡已經很明顯、政棍越嚟越堅離地、與街坊須求越走越遠。難怪當日反盟讓（關係到黃思教頭界代表孽猿嘅個人聲望）學生津貼議案通過之後、就不理建築工人冇工開、無視老人福利和公人加薪都被拖延、而堅持拉布到底啦！事實證明、拉布根本上奈何不了揸拂當局、反而將街坊福祉拉到氹氹轉。呢班友大細超成咁、又點會話唔討街坊厭？嗱、如果有人話畀我知、拉布係有預設陷阱嘅話、我會相信嘅囉！正如新任揸拂人話齋、已經搞唔清楚究意係邊個嘅錯。相信在嚟緊嘅補選必會有答案。如果在六席之中被亂制奪取得三席嘅話、往後垃圾會要通過從前被窒礙嘅議案、真係話都冇咁易。到時反盟除咗拖馬上街噓餐飽之外、乜嘢殺傷力都冇晒。呢班反盟友連民生與政治為何物都搞到唔清唔楚、搞嬲晒班街坊就綽綽有餘、都可謂茅廁點燈（找死）咯！紫荊人嘅民主夢就係被一群咁嘅豬髧兜玩殘咗喇！嗚呼衰哉！