漢奸唔怕認

既然做阿七

無須膊側側

發難憑歪理

着力靠心黑

紫荊城向來是攪屎棍嘅天堂、只要夠膽色又能嘩眾就可以為所欲為。封街鎖路七十九日如是、大年初二怒火街頭如是、在垃圾會就職典禮中玩誓如是、總之嘩眾冇奔波就是。不過也有例外的時候、例如剛從實島回來的講獨四人組之一嘅三七螺雙腳還來踏出機場就被迎接佢哋嘅群眾熱烈招呼、搞到衫被扯爛、眼鏡也扯失、還要在保安協助之下離開機場。講起嚟、日前講獨四人組（痴瘋、三七螺、鹽蟲妖、豬八萬）飛抵寶島XX機場就見到數幾百人手持標語及橫額列隊迎接、心想一定係島獨粉絲熱烈歡迎佢哋到訪都未定咯！殊不知念頭未轉便聽到人群大聲叫喊漢奸滾回紫荊城去。其實講獨四人組與島獨組織「瞢袋食量」嘅代表見面前後、亦同樣遇上島民抗議和喝罵、結果要勞動當地捕快解圍才得以離開。事後痴瘋居然在傳媒面前詐型、指責島民老屈佢哋係講獨。

呢嗱、痴瘋都算老實咯、佢冇否認係漢奸、但就幾大都唔肯認係講獨。之不過咁喎、所謂道不同不相謂謀吖嘛！講獨四人組既然唔係講獨、為乜要跑到老遠去見島獨大佬？正因為講獨四人組來者不善、而令寶島民眾感受到威脅。為着保護寶島安寧起見、島民當然要走出來表明態度矣！試問、咁又焉能怪寶島人下逐客令、趕走呢幾條㕲嘴嘅呢、吓？！乜原來呢四條友唔係講獨嚟嘅咩？可惜吖、寶島人唔似得紫荊人咁冷漠、視講獨妖孽如透明、任由佢哋為患人間。因此無論班友點掩飾都好、島民就是不能坐視寶島安全被妖孽毀掉、並將所有分離主義分子一律視作漢奸、實行擺明車馬與之勢不兩立。咪話在下又危言聳聽、依我睇、泛㒼為避免自己發瘋發上面、所以將會集中主力演文場戲、而武場戲就由拚討自決班友去演繹。花家嘅瘋癲大佬當撈侵肯定會打本畀城中嘅花家御用編劇和導演、策動專門演反派嘅演員上演亂講大龍鳳、務求令到當權者火遮眼而䟕錯腳、從而找到號召盟友聯手制裁紅家會嘅理由。花家嘅目的唔使問阿貴都知到、就係要令到這頭剛剛睡醒嘅獅子再次昏睡百年啦！到時滿城皆是黃色傘。想安靜？難矣！唔知你做好心理準備未呢？