誰對「故公」有異議？

你講我又講

無非為喫糖

既是冇幫忙

何必多喢戇

政治之所以令人討厭、其中一大原因就係政治人物都是語言偽術家。佢哋最叻就係以偏概全。行家當然唔會聽鬼叫、但普通人聽來就覺得十分哽耳。拎今次嘅故公博物館（故博）件事件嚟講、以我所見所聞、對歷史有興趣嘅人都表示歡迎、而無興趣嘅人亦不反對。事實上、今次只係有人刻意去利用大總管在程序上嘅甩漏而大肆炒作、目的就係要打擊其民望。假如大總管不是臨時轉軚、話咗唔嫁又嫁嘅話、根本上係唔會發生咁嘅事。因為那些口中無獨心中有獨嘅政棍為着阻擋本城年輕人接觸到龍族嘅歷史文化、才會盡其詆毀之能事、將好事演繹成一件壞事。幸好這只屬一小撮人嘅惡行、而非社會主流。可惜某些有份量之人在呼籲大眾支持興建故博嘅講話之中、釋放出一些令人聽落好似係大部份紫荊人都阻住個地球轉咁款。你話嘞、咁係咪弄巧反拙呢、吓？！

城中有些政棍妖言惑眾、說甚麼京城故公博物館（京故博）展出的多屬贗品、堅嘢多數存放在寶島故公博物館內。以在下所見不僅如此、我曾在被喻為「世界大賊竇」嘅米旗博物館見到很多從天朝「老笠」過去嘅龍族歷史文物、由於當中嘅一尊大型石象嘅頓位太重而無法搬動、米旗佬居然將之欄腰鋸成兩段、分開來搬。你話啦、嗰班生蕃咁做法、係咪暴殄天物？重有呀、佛攔西佬亦不遑多讓、佢哋同樣在天朝掠走大批歷史文物。之但係、京故博嘅展品大部份都是歷史真品。政棍之所以把京故博講成係復製品展館、目的是要向年輕人灌輸醜化天朝嘅訊息、從而在社會上製造更多為其所支配嘅政治盲流而矣！更弊家伙就係、有不少人被政棍牽着鼻子走、並墮入其「輸打贏要」嘅陷阱裡面而不自覺。當中有人為着掩飾大總管嘅過失、而不惜走上黑心政棍「不尊重遊戲規則」嘅老路、聲稱假如事事先行諮詢就一事無成。試問這種語調跟黑心政棍那句「不遵守法健、不等同不尊重法律」嘅鬼話有何分別？究竟紫荊城還要不要依法、守法、以及遵守規則嘅呢、吓？！