他們的價值觀連屁不如

無恥定夠薑

確係惹神傷

神憎鬼又厭

早晚聽遭殃

眾所周知、有些無恥之徒經常以「誓願當食生菜」去掩飾其違反諾言嘅醜行、但對於正當人家而言、宣誓（無論是以個人、宗教、或其它名譽起誓）絕對是一件莊嚴之事、這也是全世界共同奉行嘅價值觀。之但係、玩誓四人組（常無、調重鹽、羅盤沖、螻小蟻）在入會儀式之中公然挑戰世人嘅價值觀、他們不止不尊重自己、不尊重抬舉佢哋嘅人、更不尊重自己加人嘅組織。當他們知到自己罪無可恕而屎臨屎賴之際、卻得到泛㒼（包括政棍、狀棍、學棍、小圈子選棍等）拔刀相助、集眾之力去迫使施威撤銷對四人組嘅資格覆核。試問這類是非不分嘅政棍、點可能會對社會有承擔？更可悲嘅就係松柴井在入會當日將國旗倒轉來插、此舉不是侮辱紅家會、而係侮辱所有龍的傳人。因為松柴井倒插的那枚是國旗、而非代表紅家會嘅黨旗。難怪街口上海鋪少東肥仔六都話、支持那些淫渣、等同與民為敵啦！

雖則話、社會上有人批評施威以資格覆核去迫害異見者、但問題係、假如玩誓四人組唔係自己主動去搵陸雲霆幫佢哋睇相嘅話、又點會無衰攞嚟衰？呢班人既然咁鍾竟玩革命、理應隨時做好當義士嘅準備、而唔係動不動就夾硬拉市民落水替佢哋填氹。依我睇、蟻民現在有須要認真的去想一想、究竟宣誓仲值唔值得我哋去尊重、值唔值得為着坦護幾個無事生非嘅人、而不惜去毀掉我們一直奉行嘅價值觀？假如連代表着人格擔保嘅宣誓都可以形同兒戲、世界上仲有乜嘢可以令到我們去相信一個人？在下實在很想知到、究竟荒謬城發生咗乜嘢事？點解總係有啲人硬是要搞事、但又對承擔後果怕得要死、還要拉大眾落水、為佢哋嘅錯孭起隻鑊？我不妨話過畀呢班懦弱人士知、佢哋係冇權咁做。因為垃圾會尊貴嘅天職係要為本城提供建設性意見而非拖累、更加唔係迫蟻民搬起石頭抌自己雙腳嘅。唔該呢班人為自己做過嘅事負責、別再做懦夫喇！知冇？