花大叔的抓銀新招

有窮則變不是窮

冇銀便要托水龍

憑空買賣稱高手

軟硬不得便見紅

日前花旗地方法院指出、波斯未能在911恐襲案證明自己清白、所以判罰105億花銀作為賠償。報導指出、死難者家屬很難從波斯手中拿到錢、但可以依法動用恐怖分子被凍結嘅資產作為賠償。按照該名法官嘅判決邏輯看來、等同在無法向死鬼拉登索償、就夾硬屈波斯唔清白、然後借題發揮盜用第三者被凍結嘅資產。試問這是何家的道理？看來、花大叔夾硬過波斯一棟、無非是打恐怖分子被花旗凍結嘅資產主意。嘩、此例一開、陸續有來矣！恐怕在當今世界裡面、只有花大叔這號人物才會將一件荒唐事合理化。

從花大叔無所不用其極而屈他人財產看來、似乎已經到了發爛渣嘅地部。因為今日幸運之神捨棄花家而親近紅家、再加上花旗盟友英吉裂、法攔犀、得意至、風車國等都跟紅家打交道而冷落了他。否則花老大奧黑馬亦唔會破口大罵英老大家霉倫和法老大傲浪得兩人冇腰骨兼冇義氣啦！睇嚟、奧黑馬仲未知到自己衰邊辮。其實花大叔係衰自私、這點大概可以從布置殺得防預系統方面見得到的。無論在歐洲抑或在亞洲部署殺得系統、目的都是要在第一時間攔截沙鵝和天朝射向花旗嘅核彈。因此“欲炸花旗、先炸殺得”就成為定論。這樣對於花旗來說、是最安全的、但對其國家來說、就是最不安全的。花大叔自恃花銀是全球最大嘅儲備貨幣就胡亂花霍、到咗「兩房」冧盤就由全世界人去替佢埋單。誰知花大叔洗腳唔抹腳習慣不改、以量化寬鬆為題搏老命發鈔。咁搞法遲早變陰司紙架咋！就係咁、歐洲佬班大蠱惑便約埋一齊加入亞頭行、仲順手推埋人仔上架成為其中一種儲備貨幣添。花大叔眼見專利快將不保、便不斷找紅家麻煩。呢嗱、如果有日花大叔忽然老屈紅家係恐怖分子、除咗欠債萬多億唔使還之外、仲可以將凍結得來嘅紅家資產據為己有、咁就真係想窮都難咯。唔怪得奧黑馬密密派人跑到紅家大門口撩是鬥非啦、原來係博老人家火遮眼、唔覺意䟕錯腳跌落佢設置嘅制栽陷阱嗰度。