勝敗見真章

往日一條龍

簪花又掛紅

今日逢一躀

發爛更損容

驅異會選舉曲終人散、所謂勝者留低敗者去遠、本來冇乜嘢好講的。但值得一提嘅就係、飯盟兩名重量級人物鐵頭和二馬基居然雙雙墮馬。當結果公布之後、鐵頭登時承認失敗、並表示尊重選民決定。由此看來、鐵頭總算是個角色。相反、同樣落敗嘅二馬基就將失敗歸咎放對手組織投票、更指選民接受物質資源而改變投票方向。呢嗱、呢啲咪就係買板唔知埞囉！競選呢家嘢、若不是各出奇謀、又點會有勝望？我就係唔相信有人乜都唔做、就貿貿然參選嘅。仲有呀、亂制派係撬唔到飯盟嘅票嘅、而飯盟亦動不得亂制嘅票源、呢啲已經係普通常識嚟架啦！二馬基咁講嘢法、唔通佢認為坐喺度就可以等運到？呢種態度不獨止毫無大將風範、簡直連小學雞也不如。就憑這一點就可以想象得到、如他不檢討一下自己嘅話、恐怕在下屆垃圾會大選同樣會遭遇滑鐵盧。

講開又講、從牌面睇、雖然今屆飯盟嘅兩大激進組織兵敗如山倒、而且又有幾名身兼垃圾尊貴嘅明將墮馬、但以飯盟嘅總成績來說、是比上屆稍好。不過有一點值得注意嘅就係、傘兵在此戰役之中取得近3%嘅成績、並且在中產區偷襲成功。不過除咗一名來自「菁蓮新政」嘅女傘兵打正旗號參選勝出之外、其他勝出者都不是以傘兵身份出戰。因此、這類參選者只能被稱之為隱形傘兵。在另一方面、亂制派當中亦有身兼垃圾尊貴嘅明星級人馬落敗。這結果正好示着、已經有部份選民寧願把希望投放在新生代身上、都不要沽名釣譽之輩。這個結果亦反映出、雙料尊貴未必個個都能夠稱職於地區議會的。因此在下只能說贏的有道理、敗的無冤枉就是。