出奇制勝

出動三點式

奇招代往績

制衡真實力

勝望靠春色

日前、一名驅異會參選者在旺區行人街開地攤、作出一項別出心裁嘅宣傳手法。當我迫到埋去一望時、機乎搞到鼻哥窿噴血咁滯。只見一名穿上三點式泳裝嘅妙齡少女、正在左扭右擰的擺出各種誘人post 讓圍觀者拍照。站在她身旁的另一名穿著便服女士就是驅異會候選人、現場還有人高舉龍獅會會眾納喊打氣。候選人仲許下諾言、話假如她當選、將會在往後的每個晚上都在那裡安排靚女、以飽街坊眼福喎！當時我心在想、萬一她當選、容乜易連驅異會都變得春色無邊？

俗語都有話啦、卓頭係生嘅、老視係死嘅。當下年輕人果然有自己嘅一套、明知自己在地區工作方面交白卷、若要競爭必須出奇制勝。雖然未知呢個咁有創意嘅候選人能不能贏出、但必能夠吸引反傳統一代嘅少壯派男士垂青。當場就聽到唔少人話會投她一票。不過唔係在下要潑冷水、我睇呢一招係不適用於驅異會選舉、但用在明年垃圾會選舉就必會派上用場。原因就係、選民對驅異員嘅期望係做實事、所以在選擇方面比較踏實。但垃圾會早就被視為係一個蛇鼠混集嘅烏煙瘴氣之地。由於垃圾就是垃圾之故、所以人們通常都不會認真的去辨別那些是好垃圾、那些是壞垃圾的。因此進入垃圾會無須靠實力、只要夠卓頭就可以。依我睇、明年垃圾會大選、莫講話波濤洶湧、甚至連吊吊捹都有得過你睇。信不信由你喇！